«OŃTÚSTIK» aımaqtyq ınvestısııalyq ortalyǵyn eksporttyq áleýetti damytý jáne ınvestısııa tartý máseleleri boıynsha jumys tobynyń jetekshisi, Basqarma tóraǵasynyń orynbasary A.Qanseıit jáne «Yrys» mıkroqarjy uıymy dırektorynyń orynbasary S.Týlendıeva tanystyrdy. G-Global Development Community ókilderi retinde OQO delegasııasy eń joǵary VIP qatysýshy mártebesin alyp, 140 memlekettiń 15 myń qatysýshysy tirkelgen barlyq aýqymdy is-sharalarǵa tolyq qatysý múmkindigine ıe boldy. Arnaıy konferensııalarǵa sala kóshbasshylary, aımaqtyq jáne halyqaralyq ortadaǵy negizgi aksıonerlerden quralǵan 1 500 delegat qatysty. Kórme pavılonynda 500 stend ornatylyp, onda túrli qatysýshy kompanııalardyń ónimderi usynyldy.
Shara barysynda A.Qanseıit hanym atalǵan sharanyń basshylyǵy Marketing Exhibitions Conferences kompanııasy jáne Birikken Arab Ámirlikteriniń ekonomıka Mınıstrligimen kezdesti. Sondaı-aq, Q-Line, HKTDC, Steel Wood Industries FZCO, Grýzııa týrızm ulttyq ákimshiligi, Azizi Developments qurylys kompanııasynyń basshylyǵy, Oxford Property Investments, Balcanco, Dubai properties, FAM Properties jáne basqa da kompanııalar men kelissózder júrgizip, yntymaqtastyq ornatý máselelerin talqylady. Kezdesýdiń shetel qatysýshylaryna kompanııa týraly materıaldar, onyń ishinde «Invest in South-Kazakhstan region» beınerolıgi kórsetilip, www.kazinvestor.com ınternet resýrsy tanystyryldy.
Kelissózder barysynda OQO-nyń eksportqa baǵdarlanǵan ınvestısııalyq jobalary boıynsha yntymaqtastyqty nyǵaıtý máseleleri talqylanyp, ınvestorlarǵa usynylǵan áleýmettik turǵyn-úı, OQO bıznes ortalyqtary jáne ınfraqurylymdyq nysandar qurylysy týraly jobalar baǵalandy.
Sondaı-aq, kezdesýler aıasynda delegasııa Dýbaı jáne Abý-Dabı qalalaryndaǵy týrıstik áleýettiń damý barysymen tanysyp, ınvestorlardy tartý jáne bıznes-klımatty damytý maqsatynda týrızm ınfraqurylymyn uıymdastyrý boıynsha tájirıbesin zerttedi.
Marketing Exhibitions Conferences kompanııasymen kezdesý barysynda OQO-ǵa ınvestorlardy tartý boıynsha memorandýmǵa qol qoıý máselesi talqylandy.
Is-shara jáne BAÁ qalalaryn zertteý qorytyndysy boıynsha A.Qanseıit BAÁ-niń ınvestısııalyq ahýaly jáne bıznesti damytýdyń negizgi faktorlary boıynsha tolyq aqparat berdi. Aldaǵy ýaqytta taldaý nátıjeleri OQO-ǵa ınvestısııa tartý jáne eksporttyq áleýetti damytý boıynsha «OŃTÚSTIK» AIO tarapynan strategııa jasaý barysynda eskeriletin bolady. Aıta ketý kerek, shara qorytyndysy aıasynda OQO ınvestısııalyq ınfraqurylymyn damytý boıynsha arnaıy strategııalyq baǵdarlamasyn ázirleý josparlanýda.
