Keńeske QR ınvestısııalar jáne damý mınıstri Jeńis Qasymbek, Astana ákimi Áset Isekeshev, ınvestısııalar jáne damý vıse-mınıstri Qaıyrbek О́skenbaev, «TKSh QazOrtalyǵy» AQ basqarma tóraǵasy Nursultan Jıenbaev, oblystyq ákimdikterdiń energetıka jáne TKSh bólimderiniń basshylary, turǵyn úı ınspeksııasy jáne tabıǵı monopolııalar sýbektileri qatysty.
Asqar Jumaǵalıev keńes ınfraqurylym jáne turǵyn úı keshenin damytýdyń negizgi baǵyttaryn talqylaý men salany damytýdyń negizgi ındıkatorlarymen ólsheý quraldary jáne sıfrlandyrý boıynsha Jol kartasyn ázirleý maqsatynda ótip otyrǵanyn aıtty.
«TKSh QazOrtalyǵy» basqarma tóraǵasy Nursultan Jıenbaev ınfraqurylym jáne turǵyn úı keshenin sıfrlandyrýdyń jospary men ony engizýdiń artyqshylyqtary týraly málimdedi.
Kommýnaldyq jelilerdi sıfrlandyrý esepshottar jasalǵan kezde ashyqtyqty qamtamasyz etetin kórsetkishterdi avtomatty túrde jınaýǵa múmkindik beredi. Úıdi basqarýdyń onlaın-júıesi basqarýshy kompanııalardyń operasııalyq qyzmetiniń ashyqtyǵyn qamtamasyz etedi. Turǵyn úı qoryn elektrondy pasporttaý elimizde kóp páterli turǵyn úılerdiń sany men tehnıkalyq jaı-kúıi týraly durys aqparatqa kóz jetkizýge múmkindik beredi. Sonymen qatar, tabıǵı monopolııa sýbektilerin josparly sıfrlandyrý olardyń qyzmetin baqylaýǵa jáne energııany óndirý men tutyný teńgerimin jaqsartýǵa jol ashady.
«Osy derekterdiń bári qazirgi tańda Investısııalar jáne damý mınıstrliginiń tapsyrmasy boıynsha «TKSh QazOrtalyǵy» ázirlep jatqan biryńǵaı ıntellektýaldyq aqparattyq júıeniń negizin quraıdy. Júıe paıdalanýshylary úı turǵyndary, basqarýshy kompanııalar, ákimdikter, memlekettik organdar, kommýnaldyq kásiporyndar bolady. Is júzinde bul ınfraqurylym jáne turǵyn úı kesheninde «bir tereze» bolady. Ol sektordyń barlyq qatysýshylary úshin bıznes-prosesterdiń ashyqtyǵyn qamtamasyz etedi. Bul, eń aldymen, úılerdiń turǵyndaryna qatysty, olar turǵyn úı men páter týraly aqparatqa qol jetkize alady, kommýnaldyq qyzmetterdi naqty tutynýǵa baqylaý jasap, úıdi basqarýǵa qatysyp, onlaın rejımde shaǵym berip ári usynys jasaı alady», — dep atap ótti Nursultan Jıenbaev.
Budan ózge, kezdesýde kóp páterli turǵyn úılerdiń sany men jaı-kúıi týraly naqty derekterdiń joqtyǵyna, olardy esepke alý quraldarymen jabdyqtaýǵa, ártúrli standarttar boıynsha jumys isteıtin qondyrǵylardy ortalyqtandyrylmaǵan satyp alýǵa, ınfraqurylym jáne turǵyn úı keshenindegi aqparattyq resýrstarǵa ártúrli tásilderine, turǵyn úı-kommýnaldyq sharýashylyq salasynda mobıldi qosymshalardyń azdyǵyna qatysty jáne tehnıkalyq parametrlerge biryńǵaı talaptar bolmaýy týraly sıfrlandyrý máseleleri qaraldy.
Osyǵan baılanysty jergilikti atqarýshy organdarǵa kóp páterli turǵyn úılerdi biriktirý, turǵyn úı qoryn túgendeý, qoldanystaǵy jergilikti aqparattyq júıeler men resýrstar, tabıǵı monopolııalar sýbektilerin jáne t.b. óńirlik baǵdarlamasyn ázirleý jónindegi máselelerdi pysyqtaý tapsyryldy.
«TKSh QazOrtalyǵy» basshylyǵy ınfraqurylym jáne turǵyn úı salasyndaǵy jańa tehnologııalar men jobalardy tanystyrdy. Máselen, kompanııa Qazaqstandaǵy shaǵyn jáne orta bızneske arnalǵan Global Cleantech Innovation Programme (GCIP) baǵdarlamasyn iske asyrý úshin «Jahandyq ekologııalyq qormen» yntymaqtastyq ornatýdy josparlap otyr. Bul jańartylatyn energııa kózderin damytý, energııa tıimdiligi, qaldyqtardy basqarý jáne resýrstardy únemdeý salasyndaǵy ınnovasııalyq startap jobalardy iske asyrýǵa jol ashady. Sondaı-aq, jaqyn arada ınfraqurylym jáne turǵyn úı kesheni salasyndaǵy joǵary bilikti mamandardy daıarlaıtyn quzyrettilik ortalyǵyn ashý josparlanyp otyr.
Sonymen qatar, ǵımarattardy jobalaýda zamanaýı tehnologııalardy damytý úshin 3D zerthana qurý josparda bar. Zerthanalyq keshenge sýdyń fızıka-hımııalyq zerthanasy, energııa únemdeý zerthanasy jáne jańa qurylys materıaldary, mobıldi zerthanalar kiredi. Sondaı-aq, qonaqtar energetıkalyq tıimdi kvartal jobasymen tanysyp, energııa únemdeıtin tehnologııalar kórmesine bardy.
