Arsen Venger 22 jyldan soń «Arsenaldan» ketti
«Arsenal» fýtbol klýbynyń fransııalyq bas jattyqtyrýshysy Arsen Venger maýsym sońynda klýbtan ketetinin málimdedi. Ol London komandasyn 1996 jyldan beri 22 jyl basqarǵan bolatyn.
«Klýb basshylyǵymen aqyldasa kele bıylǵy maýsymnan soń klýbtan ketýge sheshim qabyldadym. Birneshe jyl boıy álemniń eń úzik komandasyn jattyqtyrǵanyma qýanyshtymyn. Klýbqa bar kúsh-jigerimdi saldym jáne adal jumys istedim dep aıta alamyn. Barsha jankúıerlerge, fýtbolshylarǵa óz alǵysymdy aıtamyn», deıdi Arsen Venger.
Fransııalyq maman 22 jyldyń ishinde «Arsenalmen» birge 17 kýbok jeńip alǵan. Úsh ret Anglııa chempıony atanyp, jeti ret Anglııa kýbogy jáne Anglııa Sýperkýbogyn jeńip alǵan. Venger Aǵylshyn premer-lıgasynda jattyqtyrýshy retinde 823 match ótkizip, APL tarıhynda rekord ornatqan. Ekinshi orynda «Manchester Iýnaıted» klýbynyń burynǵy jattyqtyrýshysy Aleks Fergıýson (810) tur.
Nýrmagomedov pen MakGregor judyryqtasýy múmkin
Aralas jekpe-jek ókili Habıb Nýrmagomedov UFC sportynyń eki salmaq boıynsha álemniń eks-chempıony Konor MakGregormen jyl sońyna deıin jekpe-jek ótkizýi úshin kelissóz bastalǵan.
«Qazirgi tańda Konordyń komandasymen kezdesý ótkizý týraly kelissóz júrip jatyr. Ol bizdiń usynysty qaramaı sozyp júrip almasa, osy jyly jekpe-jek ótkizgim keledi. Eger ol menimen judyryqtasqysy kelmese, onda Dastın Poreni segiz buryshqa shaqyryp kóremiz», deıdi Nýrmagomedov.
Aıta keteıik, reseılik sportshy sońǵy jekpe-jegin Tonı Fergıýsonǵa qarsy ótkizýi kerek bolǵan. Alaıda amerıkalyq sportshy jaraqat alyp qalýyna baılanysty aıqas keıinge shegerilgen. Keıinnen Habıb Nýrmagomedov El Iаkvıntpen judyryqtasyp, chempıondyq belbeýin qorǵap qalǵan edi.
«Tottenhem» transferde 120 mln fýnt jumsamaq
Londonnyń «Tottenhem» klýby jazǵy transfer maýsymynda birqatar fýtbolshylardy satyp almaq. The Independent basylymynyń málimeti boıynsha, bas jattyqtyrýshy Maýrısıo Pochettıno klýb basshylyǵyna transfer úshin 120 mln fýnt qarjy bólýin suraǵan.
Argentınalyq maman bul qarjyǵa Djamaal Lassells («Nıýkasl») jáne Mateıs de Lıgt («Aıaks») sııaqty fýtbolshylardy satyp almaq. Sondaı-aq «Krıstal Pelas» klýbynan Ýılfrıd Zaha men «Vest Bromvıchtan» Djeı Rodrıgesti de satyp alýdy kózdep otyr. Buǵan deıin sheteldik basylymdar «Real Madrıd» komandasyndaǵy jartylaı qorǵaýshy Garet Beıl jaz aıynda «Tottenhem» klýbyna qaıta keledi dep jazǵan bolatyn.
Daıyndaǵan Álı BITО́RE,
«Egemen Qazaqstan»
