Bizdiń ónimderimiz Qazaqstan Respýblıkasy aýmaǵynda ǵana emes, Keden odaǵyna múshe elderge, basqa da shet memleketterge eksporttalady.
Osy oraıda «Astana-1» baǵdarlamasy iske qosylǵannan keıin seriktestik ónimderin eksportqa shyǵarý kezindegi kedendik rásimdeý prosedýralary aıtarlyqtaı jeńildegenin aıryqsha atap ótkim keledi.
«Astana-1» baǵdarlamasy qoldanysqa engizilgenge deıin biz árbir deklarasııaǵa qosymsha qujat paketterin tirkep, kedendik rásimdeý ortalyǵyna aparyp ótkizýge májbúr bolatynbyz. Qazir jumys basqasha júrgiziledi. Birinshiden, bizdiń ónimimiz eksportqa táýlik boıy shyǵarylatynyn eskersek, «Astana-1» baǵdarlamasynyń kedendik deklarasııalaýdy táýlik boıy úzdiksiz júrgizýge múmkindik beredi. Ekinshiden, materıaldyq shyǵyndar azaıdy. Elektrondy deklarasııalaý júıesin jetildirý arqyly taýar eksporttaýǵa qajetti qujattar sany aıtarlyqtaı azaıdy. Osylaısha ýaqyt pen materıaldyq shyǵyndardy únemdeý óndiris aýqymyn keńeıtýge jáne kásiporynnyń basqa da qajettilikterin óteýge jol ashyp otyr. Qazir qyrýar jumystyń bárin eshqaıda barmaı-aq, jumys ornymyzda otyryp atqaratyn boldyq. Jańa aqparattyq júıe baǵa ólshemderin baqylaýdy, beıtarıftik retteýdi ózi júrgizedi. Taǵy bir atap óterligi, bul aqparattyq júıe qoldanýshylarǵa tegin usynyldy.
Bir sózben aıtqanda, atalǵan aqparattyq júıe bıznes úshin óte tıimdi. Qazaqstan Úkimetine «Astana-1» baǵdarlamasyn iske qosýda atqarǵan jumysy úshin zor alǵysymyzdy bildiremiz.
Iýlııa Shepova,
«KSP Steel» JShS-nyń kedendik
rásimdeý jónindegi menedjeri
