Nurlan Nyǵmatýlın resmı saparmen Máskeýge bardy

Sonymen birge Memlekettik Dýmada «Qazaqstan – Reseı ǵa­syr­larǵa jalǵasqan dostyq» kórmesiniń ashylýy boldy.

Parlament palatalary basshylarynyń kezdesýine Qazaq­stan men Reseı arasyn­daǵy qarym-qatynasty sóz etken Májilis Tóraǵasy joǵa­ry deńgeıdegi kezdesýler men jetken jetistikter strategııa­lyq árip­tes sanalatyn qos mem­le­ket­­tiń ózara is-qımylynyń jar­qyn úlgisine aınalǵandyǵyn atap ótti.

N. Nyǵmatýlınniń pikirinshe, bizdiń elderimiz arasynda se­nim­di saıası únqatysý ornap, tereń ekonomıkalyq baılanystar art­qan, mádenı-gýmanıtarlyq ynty­maqtastyq jyl saıyn ny­ǵaıyp keledi. Májilis Spıkeri atap ótkendeı, bul – Qazaqstan men Reseı basshylary Nursultan Nazarbaev pen Vladımır Pý­tınniń ózara túsinistik pen dos­tyqqa negizdelgen birlesken tıimdi jumysynyń nátıjesi.

N.Nyǵmatýlın eki el bas­shylarynyń kelisimderin zań­namalyq turǵydan qoldaýǵa erekshe nazar aýdardy.

Memlekettik Dýma Tóraǵasy Májilis delegasııasynyń resmı saparynyń mańyzdylyǵyna toqtaldy. Bul – sońǵy 10 jyl­daǵy alǵashqy sapar. V.Volo­dın qazaqstandyq jáne reseı­lik depýtattardyń búgingi kez­de­sýleri parlamentaralyq ynty­maqtastyqty damytýǵa tyń serpin beretinin aıtty.

Qazaqstan-Reseı baılanysyn damytýdyń ózekti máseleleri Máskeýde ótken eki el parla­ment­teri palatalarynyń basshy­lary Nurlan Nyǵmatýlın men Vıacheslav Volodın qatys­qan Mem­lekettik Dýma men Par­la­ment Májilisi arasyndaǵy yn­ty­maqtastyq týraly pala­ta­­ara­lyq parlamenttik komıs­sııa­nyń 10-otyrysynda odan ári jalǵasty.

Kún tártibinde shekaralas yn­tymaqtastyqtyń perspektı­valary, kólik jáne logıstıka, ınnovasııany jáne ekonomı­kany sıfrlandyrý máseleleri tal­qylandy. Osyǵan oraı N.Nyǵ­­matýlın ınnovasııalyq teh­nologııalardy engizý, ekonomıkany sıfrlandyrý Qazaqstan Prezıdenti Nursultan Nazar­baevtyń halyqqa Joldaýynda aıtylǵan mańyzdy mindetterdiń biri ekenin atap ótti. Sıfrly eko­nomıkany damytýdy jáne onyń básekege qabilettiligin art­tyrýdy zańdyq turǵydan qol­daý ekijaqty strategııalyq árip­testikti nyǵaıtýǵa jol ashady.

Eki eldiń tatý kórshilik qarym-qatynasyn Májilis Tóra­ǵasy N.Nyǵmatýlın jáne Mem­le­kettik Dýma Spıkeri V.Vo­lo­dın qatysqan «Qazaqstan jáne Reseı: ǵasyrlarǵa jalǵa­s­qan dostyq!» kórmesine qoıylǵan sýretter aıshyqtaı tústi. N.Nyǵ­matýlın kórmeniń ashylýynda sóılegen sózinde:

– Kórmeniń taqyryby da, oǵan qoıylǵan eksponattar da Qa­zaqstan men Reseıdiń 25 jyl ishinde júrip ótken tarıhı jo­lynan syr shertedi. Bizdiń el­derimizdiń basshylary Nur­sultan Ábishuly Nazar­baev pen Vladımır Vladı­mı­rovıch Pýtınniń salıqaly saıasatynyń arqasynda Qazaq­stan men Reseı eń jaqyn, eń baýyrlas elder retinde búgin­gi kúni memleketaralyq yntymaq­tastyqtyń jarqyn úlgisin kórsetip keledi. Bul bizdiń búgingi jáne bolashaq tabys­tarymyzdyń kepili. Osy jolda parlamentaralyq baılanystyń da róli óte zor, – dedi.

О́z kezeginde Memlekettik Dýma Tóraǵasy kórme ortaq tarı­hymyzdy eske alyp, bola­shaqqa baılam jasaýdyń tamasha kórinisi ekenin atap ótti.

– Bul sapar bizdiń áriptestik múmkindigimizdiń zor ekenin kór­setedi. Memlekettik Dýma men Parlament Májilisi arasyn­daǵy yntymaqtastyq týraly pala­taaralyq parlamenttik komıs­sııanyń jumysy óte mańyz­dy. Ásirese, bizdiń elderi­miz basshylarynyń kelisim­derin zańnamalyq turǵydan qamta­masyz etý jolynda ózektiligi joǵary, – dedi V.Volodın.

Kórmede Memlekettik Dý­manyń XX ǵasyr basyndaǵy birinshi jáne ekinshi shaqyrylym jumystarynyń muraǵattyq sýretteri qoıylǵan, ol jumys­tarǵa qazaq depýtattary da qa­tysqan bolatyn.

Al ortaq tarıh týraly Uly Otan soǵysy, tyń ıgerý ke­zeńindegi erlikter, Baıqońyrdan ǵaryshqa alǵashqy sapar ja­ıyn­daǵy estelik qoıylǵan.

Kórmeniń ashylýyna qa­tysqan alǵashqy áıel-ǵaryshker, qazirde Memlekettik Dýma depýtaty Valentına Tereshkova Qazaqstan Prezıdentine degen ystyq yqylasyn jetkizdi. Ol óz sózinde:

– Bizdiń elderimizdiń tur­ǵyndary eń aldymen, Nursultan Ábishuly Nazarbaevqa aıryqsha iltıpatpen jáne qurmetpen qaraıdy. Men de óz halqynyń ıgiligi úshin qyzmet etetin áıgili memleket qaıratkerin zor qurmet tutamyn, – dedi.

Sondaı-aq kórmede eki mem­leket táýelsizdiginiń alǵashqy jyldarynan ornaǵan qarym-qatynas jaıynda maǵ­lumat beretin estelikter bar. Ol sýretterden Elbasy Nur­sultan Nazarbaevtyń Reseı prezı­dentterimen kezdesýleri kezin­de mańyzdy strategııalyq qujat­tarǵa qol qoıyp jatqan sát­terin, Eýrazııalyq ıntegrasııa tý­raly alǵash ret jarııa etken M.V.Lomonosov atyndaǵy MMÝ-de sóz sóılegen sátterin kórýge bolady.

– Prezıdent Nursultan Nazarbaev aıtqan eýrazııalyq ıdeıa – ol tek ıdeıa ǵana emes, ol – júzege asqan baǵdarlama. Biz Eýrazııalyq odaqsyz senim­di, turaqty bolashaqty qamta­masyz ete almaıtynymyzdy túsinýimiz kerek. Sondyqtan Qazaqstan Parlamenti Májilisi men Memlekettik Dýmanyń osy ıdeıany júzege asyrý jolynda birlese is-qımyl jasaıtyny quptarlyq, – dedi «Reseı Fede­rasııasy Kommýnıstik partııasy» fraksııasynyń jetekshisi Gen­nadıı Zıýganov.

Kórme barysynda, sondaı-aq táýelsiz Qazaqstannyń aı­shyqty belgisi – Astanaǵa da aı­ryqsha nazar aýdarylǵan. Kór­mege qoıylǵan Astananyń damý qarqyny men kóz tartar su­lýlyǵynan syr shertetin sý­retter kópshiliktiń qyzyǵý­shylyǵyn týdyrdy.

Osy oraıda Memlekettik Dýma depýtaty Irek Zınnýrov:

– Nazarbaev – naǵyz Kósh­basshy. Sondyqtan da sizder­diń elde bolyp jatqan barlyq ózgerister tikeleı Prezı­dent­tiń atymen baılanysty. Bul Astanaǵa da qatysty deý­ge bolady. Men ol jerde buryn da bolǵanmyn, keıin de bardym. Bul – ertegi qala, – degen pikirin bildirdi.