Jıyndy ashqan Gúlshara Ábdiqalyqova jaqynda ótken HI Astana ekonomıkalyq forýmynda Qazaqstan Prezıdenti: «Biz memleket qalyptastyrý isiniń bastaýynda «Bolashaq» baǵdarlamasyn júzege asyrýǵa kiristik. Sol arqyly 13 myń qazaqstandyq memleket esebinen álemniń úzdik ýnıversıtetterinde oqýǵa múmkindik aldy», – dep atap ótkenine toqtaldy. Sondaı-aq Memleket basshysynyń jahandyq eńbek naryǵynyń transformasııalaný máselesin aıtyp, kreatıvti oılaý qabiletin qalyptastyrýǵa, qajetti aqparatty taýyp, ony durys qoldaný qabiletterin jetildirýge baǵyttalǵan bilim berý salasyn reformalaý jóninde Qazaqstan tarapynan qabyldanyp jatqan sharalarǵa nazar aýdarǵany atap ótildi.
Memlekettik hatshy Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty bıylǵy joldaýynda adamı kapıtaldy damytý máselelerine erekshe kóńil bólgenine toqtaldy. О́zgeristerge únemi beıim bolý jáne jańa bilimdi meńgerý qabiletin damytý bilim berý baǵdarlamalarynyń negizgi basymdyǵyna aınalýǵa tıis. Ol úshin barlyq jastaǵy azamattardy qamtıtyn bilim berý isinde ózimizdiń ozyq júıemizdi qurý isin jedeldetý qajet.
– Bul úderister barysynda «Bolashaq» halyqaralyq baǵdarlamasyn sapaly iske asyrýǵa qatysty zor jaýapkershilik júktelip otyr, – dedi Gúlshara Ábdiqalyqova.
Komıssııa otyrysynda Bilim jáne ǵylym mınıstri E.Saǵadıevtiń Shetelde kadrlar daıarlaý jónindegi respýblıkalyq komıssııanyń hattamalyq tapsyrmalarynyń oryndalýy týraly esebi tyńdaldy, sondaı-aq «Bolashaq» baǵdarlamasynyń iske asyrylýyna baılanysty birqatar másele qarastyryldy.
Komıssııa sheshimimen stıpendııa magıstratýra men doktorantýrada oqýǵa, sondaı-aq álemniń jetekshi ǵylym jáne óndiris ortalyqtarynda taǵylymdamadan ótýge jiberiletin 67 úmitkerge taǵaıyndaldy.
Otyrys qorytyndysy boıynsha Qazaqstan Respýblıkasynyń Memlekettik hatshysy Gúlshara Ábdiqalyqova «Bolashaq» halyqaralyq stıpendııasyna qatysty jumystardy odan ári jalǵastyrý jóninde birqatar tapsyrma berdi.
