Dóńgelek ústel jumysyn Fılosofııa, saıasattaný jáne dintaný ınstıtýtynyń dırektory, saıasattaný ǵylymdarynyń doktory, professor Aqan Bıjanov óziniń alǵy sózimen ashty. Eń birinshi kezekte mereıtoı ıesin quttyqtaǵan ol Elena Býrova hanymnyń osy salanyń damýyna orasan zor sińirgenin aıryqsha atap ótip, aldaǵy ýaqytta da tabys tiledi. Jáne de ınstıtýt dırektory QR Bilim jáne ǵylym mınıstri Erlan Saǵadıevtiń atynan belgili ǵalymǵa Qurmet gramotasyn tabys etti.
Dóńgelek ústelde qazirgi Qazaqstandaǵy din men zaıyrlylyqtyń fılosofııalyq, mádenıettanýlyq jáne dintanýlyq máseleleri, din men memleket ara qatynasynyń qazaqstandyq úlgisi, Qazaqstan qoǵamynyń dindarlyq deńgeıi talqylandy. Sonymen qatar zaıyrlylyq prınsıpterine negizdelgen qoǵamdyq sanany qalyptastyrýdyń san qyrly joldary qarastyryldy.
Alqaly jıynǵa Fılosofııa, saıasattaný jáne dintaný ınstıtýty, elimizdiń joǵarǵy oqý oryndarynan kelgen jetekshi mamandar, ǵylymı-zertteý uıymdarynyń ókilderi, PhD doktoranttar, magıstranttar men ózge de mamandar qatysyp, baıandama jasaıdy.
Bolashaqta dintanýshy, ıslamtanýshy, teolog mamandar men memlekettik organ salasyndaǵy ǵylymı jáne tájirıbelik qyzmettegi ǵalymdardyń kádesine jaratý úshin dóńgelek ústel materıaldaryn jınaq etip basyp shyǵarý josparlanýda.
Ǵalym SÚLEIMEN,
«Egemen Qazaqstan»
ALMATY
