Kezdesý barysynda oblysta tehnologııalyq jańǵyrtý, sıfrlandyrý, ekonomıkany odan ári ártaraptandyrý, kadrlardy daıarlaý, eńbek resýrstaryn basqarý jáne bıznesti damytý sharalaryn iske asyrý máseleleri qaraldy.
Baqytjan Saǵyntaev Memleket basshysy qol qoıǵan Kásipkerlik qyzmetti retteýdi jetildirý máseleleri týraly zańǵa jekeleı toqtalyp ótti. Úkimet kóptegen daıyndyq jumystaryn júrgizdi. Zań qoldanystaǵy zańnamaǵa myńnan astam túzetýler engizedi. Bul 2014 jyldan beri bıznesti júrgizýdi ońtaılandyrý jónindegi túzetýlerdiń altynshy paketi.
Zań memlekettik baqylaý–qadaǵalaý qyzmetin reformalaýǵa, aqparattyq quraldardy retteýdi jetildirýge jáne retteýshi yqpaldy taldaý mehanızmin jetildirýge, tabıǵı monopolııalar sýbektileriniń jáne kvazımemlekettik sektor usynatyn mindetti qyzmetterdi reformalaýǵa, sondaı-aq básekelestikke kedergi keltiretin normalardy alyp tastaýǵa baǵyttalǵan. Budan ózge, zań jobasynda bıznes shyǵyndaryn jappaı tómendetý jáne «Doing Business» reıtıngisindegi Qazaqstannyń ornyn jaqsartý jónindegi sharalar qarastyrylǵan.
Qostanaı oblysynda aýyl sharýashylyǵy ónimderi men ónerkásibiniń iri óndiris oryndary ornalastyrylǵan. Osyǵan oraı QR Úkimeti túzetýler engizgen AО́K damytýdyń memlekettik baǵdarlamasyn tabysty iske asyrý úlken mańyzǵa ıe. Premer-Mınıstr qatysýshylardyń nazaryn aýyl sharýashylyǵy ónimderin qaıta óńdeý máselesine aýdardy.
Baqytjan Saǵyntaev atap ótkendeı, QR Prezıdenti bastamashy bolǵan jáne QR Úkimeti qabyldaǵan barlyq baǵdarlamalar oblysta sátti iske asyrylyp jatyr. Búgingi tańda memlekettiń qoldaýymen aýyl sharýashylyǵy salasymen qatar, mashına jasaý jáne óńdeý ónerkásibi jaqsy damyp keledi. О́ńirde «Bes áleýmettik bastamany» oryndaý boıynsha eleýli jumystar júrgizilip jatyr, sonymen birge, Premer-Mınıstr qurylys salasynda ónimdi jumystar atqarylyp jatqanyn atap ótti.
Qostanaı oblysynyń ákimi A. Muhambetov Memleket basshysynyń tapsyrmalaryn iske asyrý turǵysynan óńirdiń áleýmettik-ekonomıkalyq damý barysy, memlekettik jáne óńirlik salalyq baǵdarlamalardyń oryndalýy týraly tolyǵyraq baıandap berdi. О́ńir basshysynyń aıtýynsha, aldaǵy jyldary ósim qory retinde oblysta 6000 astam jumys ornyn ashýmen 1,2 trln teńgege 40 ınvestısııalyq jobany júzege asyrý kózdelgen.
Josparlanǵan is-sharalardy jáne bastamalardy iske asyrý jyl basynan beri óńirge 44,6 mlrd teńge ınvestısııa tartýǵa múmkindik berdi, onyń shamamen 89%-i kásipkerlerdiń jeke qarajatynan.
Áleýmettik salany damytýǵa keler bolsaq, oblysta «Prezıdenttiń bes áleýmettik bastamasy» oryndalyp, «Nurly Jer» turǵyn úı baǵdarlamasy júzege asyrylýda. Jyl basynan beri 15,5% ósimmen 92,3 myń m² turǵyn úı paıdalanýǵa berildi. 2018 jyly oblysta 12,2% ósimmen 297 myń m² turǵyn úıdi paıdalanýǵa berý josparlanǵan.
Úshinshi bastamaǵa sáıkes, joǵary bilim berýdiń qoljetimdiligi men sapasyn arttyrý jáne stýdent jastardyń úı-jaı jaǵdaılaryn jaqsartý úshin, bes jataqhana salyp, ekeýin qaıta jóndeý josparlanyp otyr, bul 2700 stýdenttiń turý jaǵdaılaryn jaqsartady.
Bıylǵy oqý jylynda joǵary bilim berýdiń qoljetimdiligin arttyrý maqsatynda pedagogıkalyq jáne tehnıkalyq mamandyqtarǵa 34 grant berilgen. Kelesi oqý jylynda 200 grantty berý kózdelgen, onyń 100-i — medısınalyq mamandyqtarǵa, 100-i — pedagogıkalyq jáne tehnıkalyq mamandyqtarǵa.
Shaǵyn nesıe berýdi kóbeıtý boıynsha tórtinshi bastamany iske asyrý úshin bıyl 4,2 mlrd teńgege jýyq qarajat qarastyrylǵan, bul ótken jylǵy somadan 31% artyq. 400-den astam nesıe beriletin bolady.
Infraqurylymdyq jobalardy iske asyrýdyń arqasynda jańa jumys oryndary ashylyp, jumyssyzdar men ózin-ózi ónimsiz jumyspen qamtyǵan azamattardy jumysqa ornalastyrýǵa qosymsha múmkindik beriledi. Halyqty jumyspen qamtýǵa járdemdesýdiń keshendi josparyn júzege asyrýdyń tórt aıynda olardyń sany 36,2 myń adamǵa deıin qysqardy. Budan ózge, О́nimdi jumyspen qamtý jáne jappaı kəsipkerlikti damytý baǵdarlamasy aıasynda 16 myńnan astam adam jumysqa ornalastyrylady, 3 myńǵa jýyq azamatqa tegin tehnıkalyq jəne kásiptik bilim beriledi.
Bilim jáne ǵylym vıse-mınıstri B. Asylova, ınvestısııalar jáne damý mınıstri J. Qasymbek óz baǵyttary boıynsha túsinikteme berdi. Ulttyq ekonomıka mınıstri T. Súleımenov oblystyń ekonomıkalyq jaǵdaıyna jasalǵan taldaý boıynsha sóz sóıledi. Eńbek jáne halyqty áleýmettik qorǵaý mınıstri M. Ábilqasymova óńirdiń eńbek naryǵyndaǵy jaǵdaı týraly jáne aldaǵy mindetter týraly baıandady.
«Atameken» UKP basqarma tóraǵasy A. Myrzahmetov óńirdegi ShOB damytý jáne onyń perspektıvalary týraly baıandaı otyryp, kásipkerlik salasyn jetildirý máseleleri jóninde qabyldanǵan Zańǵa túsinik berip ótti.
«Keshe men Memleket basshysynyń atalǵan qujatqa jarııa túrde qol qoıý rásimine qatystym. Onyń bıznestegi mańyzyn, ol engizetin ózgerister aýqymyn biz áli de zerdeleı túsýimiz kerek. Búginde ShOB damytýǵa jańa múmkindikter ashylyp jatyr – tek qana áreket etip, salyq tólep, jumystar atqarý kerek!», — dep A. Myrzahmetov, bıznes jaýapkershiligin arttyrýǵa oblystyń jáne jalpy elimizdiń barlyq kásipkerlerin shaqyrdy.
Sondaı-aq, máseleni talqylaý barysynda óńir jurtshylyǵy men bıznes qaýymdastyǵynyń ókilderi sóz sóıledi. «SSTBО́B» AQ prezıdenti B. Muhametqalıev kásiporyndaǵy Indýstrııa 4.0 jobalary jáne sıfrlandyrý aıasynda bosatylǵan jumysshylardy jumysqa ornalastyrý josparlary týraly aıtyp berdi. «Varvarınskoe» AQ bas dırektory I. Nıkolıshın kásiporyndaǵy óndiristik prosesterdi sıfrlandyrý týraly sóz qozǵady. Jitiqara polıtehnıkalyq kolledjiniń dırektory R. Shýkmanova О́nimdi jumyspen qamtý jáne jappaı kásipkerlikti damytý baǵdarlamasy boıynsha oqytý jáne qaıta oqytý jóninde aıtyp berdi.
Budan ózge, sharýa qojalyǵynyń basshysy I. Estaev, «Allıýr» kompanııalar toby» AQ prezıdenti O. Soı, «Qostanaı un tartý kombınaty» AQ bas dırektory A. Mıketkı Kásipkerlik qyzmetti jetildirý týraly jańa Zańǵa qoldaý bildirdi.
«Osy ýaqytqa deıin tabıǵı monopolııalar sýbektileri men kvazımemlekettik sektor sýbektileriniń tehsharttardy alý tetigi jetkilikti túrde túsinikti emes edi, sebebi biryńǵaı ortaq erejeler bolǵan joq. Jańa zań aıasynda bızneske usynylatyn qyzmetterdiń naqty retteý júıesi qarastyrylǵan. Biz osy úshin Memleket basshysyna alǵys aıtamyz», — dedi «Repako» JShS dırektory N. Bolatova.
Budan ózge, kezdesý barysynda «Qazaqstannyń sheteldik ınvestorlar keńesi» qaýymdastyǵynyń basqarma tóraǵasy, «Eýropa qaıta qurý jáne damý banki» ókildiginiń basshysy Agrıs Preımanıs sóz sóıledi.
Talqylaý qorytyndysy boıynsha QR Premer-Mınıstri Kásipkerlik qyzmetti retteýdi jetildirý máseleleri týraly zań aýdannyń, oblystyń, elimizdiń bıznesiniń básekege qabilettiligin arttyrýǵa yqpal etetinin atap ótti. Bul zańnamalyq ózgerister Qazaqstannyń álemniń alǵashqy otyz eline kirýin qamtamasyz etý maqsatynda ázirlengen.
Eske sala keteıik, búgin Memleket basshysynyń tapsyrmasy boıynsha Baqytjan Saǵyntaev Qostanaı oblysyna jumys saparymen keldi. Sapar maqsaty — Kásipkerlik qyzmetti retteýdi jetildirý máseleleri týraly Zańdy túsindirý jáne óńirde Elbasy Joldaýlary men «Prezıdenttiń bes áleýmettik bastamasynyń» iske asyrylý barysymen tanysý. Bıyl B. Saǵyntaev buǵan deıin Qyzylorda, Ońtústik Qazaqstan, Atyraý, Qaraǵandy oblystarynda jumys saparymen bolyp qaıtqan edi.
