Stýdentterdiń teorııalyq bilimi men tájirıbesin ushtastyryp, ári Qazaqstan men Fransııanyń bilim salasyndaǵy halyqaralyq yntymaqtastyǵyn ulastyrýdy kózdegen mektep jumysy aıtarlyqtaı nátıjeli.
Al dáristerdi Total kompanııasynyń sarapshylary kásibı saraptama júrgizý jáne tájirıbeden alynǵan naqty mysaldardy zertteý negizinde daıyndaǵan.
– Tolaıym «Total» kompanııasynyń bastamasy bolyp tabylatyn bul jazǵy mektep alǵash ret ótkizildi. «Total» – jas talanttardy qoldaý men jergilikti kadrlardy damytý jóninde mindettemesi bar, Qazaqstanda 25 jyl boıy qyzmet etip kele jatqan munaı-gaz kompanııasy. Sondyqtan yntymaqtastyqty eń bedeldi joǵarǵy oqý oryndarynyń biri – QazUÝ-degi «Geo-energetıka» ortalyǵymen bastaýdy jón kórdik. Jazǵy mektep jyl saıyn uıymdastyrylady dep josparlap otyrmyz, sondaı-aq, ony Almatyda ǵana emes, sonymen birge, búkil Qazaqstannyń stýdentteri oǵan qatysa alýy úshin Astanada jáne basqa da qalalarda ótkizgimiz keledi, – dedi Qazaqstandaǵy Total konserniniń basshysy Paskal Brean.
Qazirdiń ózinde mektepte QazUÝ stýdentteri ǵana emes, sonymen birge, Polıtehnıkalyq ýnıversıtettiń, Zań ýnıversıtetiniń, Kaspıı ýnıversıtetiniń, QBTÝ stýdentteri oqyp úlgerdi. Jazǵy mekteptiń baǵdarlamasy munaı ken oryndaryn ıgerý jáne paıdalaný, munaıdy tasymaldaý máselelerin ǵana emes, sonymen birge, halyqaralyq quqyqtyń tolyqtyrmalylyǵy, menedjment, halyqaralyq qatynastar syndy eldiń damýyna járdemdesip, sheteldik kompanııalarǵa Qazaqstanda jumys jasaýǵa múmkindik beretin gýmanıtarlyq máselelerdi qamtıtyndaı etip daıyndalǵan.
11-15 maýsym kúnderi aralyǵynda óken Total Enerdjı Jazǵy mektebi energetıka salasyndaǵy pánderdi oqıtyn bakalavrlar-stýdentterge jáne magıstranttarǵa arnalǵan.
Daıyndaǵan
Aınash ESALI,
«Egemen Qazaqstan».
ALMATY
