Sáıkesinshe, naýqastarǵa ambýlatorııalyq kartalar men flıýrografııalyq jazbalardy alyp júrýdiń qajeti bolmaıdy. Medısınalyq qyzmet alý úshin olarǵa jeke kýálikti kórsetý jetkilikti.
«Bıyl 1 qańtardan bastap, 4 oblys (Qaraǵandy, Qostanaı, BQO) qaǵazsyz aýrýhanalar pılottyq jobasyna endi. 1 sáýirden bastap, bul pılottyq jobaǵa taǵy 4 aımaq (OQO, Mańǵystaý, Pavlodar, SQO) qosyldy. 1 shildeden bastap - qalǵan óńirlerdiń barlyǵy jáne Astana men Almaty qalalary naýqastardy qaǵasyz qabyldaýǵa kóshedi. Iаǵnı, pılottyq joba aıasynda ambýlatorııalyq kartalar joıylady. 2019 jyldyń 1 qańtarynan bastap, tegin medısınalyq kómektiń kepildendirilgen kólemin kórsetetin barlyq medısınalyq uıymdar 100% tek qana aqparattyq júıelerde jazba júrgizedi jáne aqparattar qaǵazǵa kóshirilmeıdi», - dedi Densaýlyq saqtaý vıse-mınıstri Oljas Ábishev Úkimette ótken baspasóz máslıhatynda.
Vıse-mınıstrdiń aıtýynsha, qazirdiń ózinde elektrondy úkimet pen medısınalyq aqparattyq júıeler kómegimen dárigerge onlaın-portaldar arqyly jazylý, dárigerdi úıge shaqyrý qyzmetterin paıdalanýǵa bolady.
