Astana sanaýly jyldar ishinde shartarapqa tanyldy

1997 jyly Elbasynyń bastamasymen el ortalyǵy Aqmola qalasyna kóshiril­gende, bul sheshimdi túsin­be­gender tabyldy. Ol kezde qala halqynyń sany 300 myń shamasynda ǵana boldy. Sol kezben salystyrǵanda 20 jyl ishinde aýqymdy sharalar atqaryldy, Astana – halyqaralyq ortalyqqa aınalyp, turǵyndardyń sany mıllıonnan asyp ketti.

Tarıh úshin jıyrma jyl degen óte az merzim. Osy az ǵana mer­zim ara­lyǵynda kóptegen mek­­tep­ter, oqý oryndary, sport keshen­deri, aýrýhanalar, tur­ǵyn úı­ler salyndy. Munyń bári Asta­nany damytý, ha­lyq­­­tyń turmysyn jaqsartý úshin ja­­salyp jat­qan sharýalar. Elor­da­myzǵa mıllıard­ta­ǵan som­a­nyń ınvestısııasy tartyldy.

Qalany aralaı qalsańyz, shahardyń kórkine tamsanasyz. Kókke moınyn sozǵan záýlim ǵımarattar, jalt-jult etken oıyn-saýyq orta­lyqtary, zamanaýı teatr, sport keshenderi, dańǵyl joldar bar. Oıyn alań­dary, aýlalar da qazirgi zaman­ǵa saı jasalǵan. Kele­shekte de qala kórkeıip, talaı jandy tamsandyratyny anyq.

Astanany kóshirý tikeleı Elbasynyń bastamasymen júzege asty. Osy sheshim qa­byl­­danǵanda Prezıdentke óte qıyn tıdi. Parlamentte bul másele kóterilgende el orta­lyǵyn kóshirýge kúmánmen qara­ǵandar kóp boldy. Infra­qury­lymy joq, halqy az, trans­porty men logıstıkasy damymaǵan qalada astana salý óte qıyn sharýa edi. Qala qurylysy­na tartylatyn ınvestısııany qaıdan alý­ǵa bolatyny da belgisiz bola­tyn. Osyndaı sátterde Elba­sy elordany kóshirý týraly naqty sheshimin aıtty. Pre­zı­denttiń jospary durys bolǵanyn ýaqyt kórsetip, qazirgi tańda soǵan kýá bolyp otyrmyz.

Astanada kóptegen jahan­dyq sharalar uıym­dastyryldy. Eýropadaǵy qaýipsizdik jáne yntymaqtas­tyq uıymynyń sammıti, Sırııa jónindegi Astana prosesi, Shan­haı ynty­maqtas­­­tyq uıymy­nyń, Islam Yntymaq­­tas­tyǵy Uıy­mynyń sammıtteri, EKSPO-2017 halyq­aralyq maman­dan­dyryl­ǵan kórmesi ótti. Elorda tórinde uıym­das­tyrylǵan osyndaı mańyz­dy sharalar elimizdiń halyqara­lyq arenadaǵy abyroıyn asqaqtata túskeni anyq.

Astanany alǵash kóshirgen ýaqytta álem jurtshyly­ǵy mun­daı qala bar ekenin bile ber­meıtin. Prezıdent Nursultan Nazarbaevpen birge issa­par­ǵa shyǵa qalǵanda, túrli forýmdar men sammıtterde árdaıym shahar týraly aıtyp beretin edik. Astana týraly, Qazaqstan týraly uzaq áńgimelep, aqparat bergennen keıin ǵana ınvestısııa quıýǵa qyzyǵýshylyq tanytyp jatatyn.

Qazirgi tańda Astanany shartaraptyń bári biledi. Shetelge shyqqan saparymyzda Astanadan kelgenimizdi estise, qalaǵa kelgenin, unaǵanyn aıtyp jatady. Osy ýaqytqa deıin álemniń 70-80 memleketinde bolyp, kóptegen qalasyn araladym. Alaıda solardyń eshqaı­sysyn ózimizdiń Astanaǵa teń­germeımin.

Elordamyzdyń osylaı kór­keıýi, halyqtyń tur­mysy jaq­sarýy, álbet­te, Elba­sy­nyń kóregen saıasa­tynyń arqasy ekeni anyq. Osy oraıda, Astana tur­ǵyn­daryn, Qazaqstan halqyn elor­damyzdyń mereıtoıymen shyn júrekten quttyqtaımyn. Halyqtyń ál-aýqaty árdaıym joǵary bolsyn! Elimiz ósip, órkendep, kórkeıe bersin!

Tóleýtaı SÚLEIMENOV,

Memleket jáne qoǵam qaıratkeri