Baqyt bastaýy

Petropavl qalasynda jal­py­ulttyq konkýrstyń oblys­tyq kezeńi jeńimpazdary men júl­degerlerin marapattaý rásiminde Aqjar aýdanynyń namysyn abyroımen qorǵap, úshinshi oryndy ıelengen Ámirenovter otbasyna laıyqty qurmet kórsetildi. Olaı bolatyn jóni bar. Bul shańyraq – kúshtik qurylym ıeleri. Berik aýdandyq ishki ister bóliminde ınspektor-kınolog bolyp jumys isteıdi. Jan jary Janar kapıtan, kámeletke tolmaǵandar isi jó­nindegi ınspektor. Ekeýi de árip­testeri aldynda syıly, be­del­di. Temirdeı tártipke úı­ren­gen­dikten, ózgelerden de jı­na­­qy­lyqty, jaýapkershilikti talap etedi.

Beriktiń bul saladaǵy jumys ótili shırek ǵasyrǵa jýyq. Eńbek jolyn ýaqytsha ustaý oqshaý­la­ǵy­shynda kezekshilikten bastap, búginde tórt aıaqty kómekshisimen birge kóptegen qylmystardy áshkereledi. Jumystyń usaq-túıegi bolmaıdy. Senim bıiginen kóriný – men úshin úlken mártebe. О́zara túsinistik, syılastyq oryn alǵan otbasynyń irgesi berik, ýyǵy myqty keledi. Joǵary qoǵamdyq, rýhanı-adamgershilik tanymdarǵa jeteleıtin mundaı saıystar urpaqtar arasyndaǵy sabaqtastyqty jalǵastyrýdyń, qamtamasyz etýdiń pármendi joly ekenin ataı ketkim keledi. О́ıtkeni ulttyq, mádenı dás­túr­ler «shaǵyn memleketten» bas­taý alatyny aıtpasa da túsinikti, dep otaǵasy aǵynan jarylady.

Janar jóninde sóz bólek. Otanasy ofıserlik mamandyq pen ata-analyq mindetti qatar alyp júrý ońaı emes ekenin aıtady. Bes ul-qyzyna degen mahabbat, súıis­penshilik sezimi ony kásibı tur­ǵydan qalyptasýyna úlken sebepshi bolǵan. Ýaqytynyń kóp bóligi mektep oqýshylary ara­synda ótetindikten, olardyń ne aıtpaǵyn, emeýrinin qas-qa­ba­ǵynan aıtqyzbaı-aq uǵady. Tár­­tibi men úlgerimi tómen talaı balaqaı apaılarynyń paıd­a­­ly keńesterin alyp, jaman daǵdylardan arylyp jatady. «Balalardy bólip-jaryp qaramaımyn. Men úshin bá­ri birdeı. Olardyń jan-dú­nıesin túsinip, durys baǵyt be­rip, týra jolǵa sala bilý ke­rek. Jas­ta ber­gen tárbıe jas qaıyń­dy ıgenmen birdeı. Aqyl-ke­ńes­terim tyǵyryqtan shy­ǵýǵa sep­­tigin tıgizip jatsa, eńbek­tiń aq­talǵany», deıdi Janar Mere­ke­qyzy.

Ámirenovter otbasynyń eń kish­kentaıy eki jasta. Is­la­m men Alýa teteles. Áke-she­sheleri túzde júrgende bar jaý­apkershilik Alanǵa júk­te­ledi. Úıdiń tuńǵyshy Dıas Ábý Dosmuhambetov atyndaǵy oblystyq qazaq mektep-ınter­natynda bilim alady. Ol oqý­da da, sportta da úzdik. Túrli baı­qaýlar men jarystarda enshi­le­gen marapattary men medaldary jeterlik. 9 jastaǵy Islam ata-ana­syna qolǵanat, tek «beske» oqıdy.

Berik pen Janardyń bas­ty armany balalaryn qam­qor­shyl, elgezek, el patrıottary etip tárbıeleý. Ata-ana­lar­dan alǵan tálim-tárbıe, aǵa urpaqty syılaý, qurmet kórsetý qaǵıdattaryn ónegeli otbasy úshin buljymas zań tárizdi.

О́mir Esqalı,

«Egemen Qazaqstan»

Soltústik Qazaqstan oblysy,

Aqjar aýdany