Sıfrly tehnologııa – jańashyldyq bastaýy

Elimizde halyqtyń sıfrly saýattylyǵyn arttyrý jáne bilim berý salasynda zamanaýı IT-tehnologııalardy keńinen qoldaný baǵytynda jumystar bastaldy. Pavlodar óńirinde de osy jańa mindetter júktelgen strategııalyq bastamalar júzege asyrylýda. Oblysta atqarylyp jatqan jańashyl jumystarmen tanysyp qaıtý úshin «Nur Otan» partııasynyń hatshysy Tamara Dúısenova keldi. 

Sapar barysynda Tamara Dúısenova oblys ortaly­ǵyn­da­ǵy IT-tehnologııalardy qol­daný baǵytynda jumys bastalǵan birqatar nysandardy aralady. №37 mek­tep­te, Oqýshylar saraıyn­da ashylǵan IT-synyp­tar­dyń jumysymen tanys­ty. Byltyr ashylǵan №37 jar­qyraǵan jańa mektepte sıfr­ly tehnologııalar birge ilese kelgendeı. Oqýshylar mek­tepke arnaıy karta nemese saýsaq izi arqyly kirip-shyǵa­dy. Ata-analarǵa arnaıy habar­lama joldanady. Bul ata-ana­lardyń balalaryn baqylap oty­rýyna múmkindik beredi. 

Sıfr­landyrý salasyndaǵy mek­teptiń kelesi jetistigi – onlaın-tamaqtaný júıesi. Bul júıe arqy­ly da ata-analar balalarynyń ne iship-jegenin qadaǵalaı alady. Oqýshylar ózderi de tapsyrys beredi. Muǵa­limder bólmesi de sońǵy úlgi­de jabdyqtalyp, ustaz­dar qaýymy sıfrly tehno­lo­gııanyń múmkindikterin paıdalanýda. 

– Bul kúnderi «Balalarǵa arnalǵan tegin IT-synyptar» atty partııalyq jobalar aıasynda ashylǵan synyptarda balalar zamanaýı baǵdarlamalyq til­der men ózge de aqparattyq teh­nologııalardy úırenýde. Joba 3 jylǵa josparlanǵan. Eli­­mizde 1000 IT-synyp ashy­la­dy. Balalar synyptarda baǵdarlamalar, veb-saıttar, anımasııa jáne mobıldik qo­symshalar jasaýdy úırenedi, – dedi partııa hatshysy.

Jalpy, bul kúnderi óńirde ja­ńa partııalyq jobalar qa­nat­qaqty bastama retinde júr­gi­zilýde. «Nur Otan» partııasy men jergilikti memlekettik organ­dar, óńirlik kásipkerler palatasy jáne bıznes qaýym­das­tyq arasynda birqatar memo­ran­dýmǵa qol qoıyldy. Bul jobalardy júzege asyrý arqyly balalarǵa arnalǵan tegin IT-synyptar ashýǵa, IT mamandardy daıarlap, halyqtyń sıfrly saýattylyǵyn arttyrýǵa, óńir­lik kitaphanalar júıesin trans­formasııalaýǵa jaǵdaı jasalyp, kitaphanalar qazirgi zamanǵy bilim ortalyǵy retinde qaıta qurylýda. 

Oblys ortalyǵyndaǵy P.Vası­lev atyndaǵy orta­lyq qalalyq kitaphana men bala­lar­ǵa arnalǵan ortalyq qalalyq ki­taphanada kovorkıng-orta­lyǵy ashyldy. T.Dúı­senova «Rýhanı jańǵyrý» baǵ­dar­­lamasy boıynsha qolǵa alyn­ǵan 18 jobanyń biri, qa­zirgi zamanǵa saı IT-tehno­lo­­gııalarmen, 3D formatty tele­dıdarmen jáne jumsaq jı­haz­dar­men jabdyqtalǵan orta­lyq­ty aralap kórdi. Sony­men qa­tar munda ártúrli taqy­ryp­ta­ǵy úıirmeler, trenıngter, she­berlik sabaqtaryn t.b. jobalar­dy ótkizýge múmkindik bar. 

Al «Nur Otan» partııasy jer­­gilikti fılıaly bastaǵan «Bala­larǵa arnalǵan tegin IT-sy­nyp­tar» jobasynyń birin­shi kezeńi aıaqtalýǵa ja­qyn. «YBYRAI» Jas programmıs­ter lıgasy» qoǵamdyq qory­nyń dı­rektory Ázıza Shójeeva­nyń aıtýynsha, búginde oblys­ta­ǵy qalalar men aýdandar­da 15 IT-synyp ashylǵan. 

Farıda BYQAI, 
«Egemen Qazaqstan»

Pavlodar oblysy