Parlament • 26 Maýsym, 2018

TúrkPA baıqaýshylary Túrkııadaǵy prezıdent jáne parlament saılaýy týraly málimdemeni tanystyrdy

1 mın

oqý úshin

TúrkPA halyqaralyq baıqaý mıssııasy Túrkııadaǵy prezıdenttik jáne parlamenttik saılaýǵa monıtorıng júrgizý nátıjeleri boıynsha baspasóz máslıhatyn ótkizdi. Ázerbaıjan Mıllı Májilisiniń múshesi Ahlıman Amıraslanov mıssııasynyń basshysy retinde málimdemesin tanystyrdy jáne túrik buqaralyq aqparat quraldarynyń ókilderin TúrkPA baıqaýshylarynyń baǵdarlamasy týraly habardar etti. Mıssııa quramyndaǵy qazaqstandyq senatorlar Narıman Tóreǵalıev, Bekmyrza Elamanov, Muhtar Jumaǵazıev jáne Májilis depýtaty Nurlan Dýlatbekov, sondaı-aq Qyrǵyzstannan Maqsat Sabyrov pen Zakır Sharapov Túrkııadaǵy saılaý jáne onyń barysy týraly óz oılarymen bólisti.

Egemen Qazaqstan

TúrkPA baıqaýshylary Túrkııadaǵy prezıdent jáne parlament saılaýy týraly málimdemeni tanystyrdy

Mıssııa músheleri Ankaradaǵy 40-qa jýyq saılaý ýchaskelerinde boldy jáne úsh saılaý ýchaskesinde daýys esepteýge qatysty.

Baıqaýshylar saılaý kúnine deıin Saılaý jónindegi joǵary keńestiń tóraǵasy Sadı Gıývenmen jáne saıası partııalardyń ókilderimen kezdesti. Kezdesýler barysynda saılaýǵa ázirlik jónindegi sharalar jáne Túrkııanyń saılaý tuǵyrnamasy men jetekshi saıası kúshteri týraly jan-jaqty aqparat berildi.

Mıssııa saılaýdy basqarýda eshqandaı tártip buzýshylyqtardyń baıqalmaǵanyn jáne tıisti organdar resýrstarmen qamtamasyz etilgeni ári saılaýdy ótkizýge kásibı daıarlanǵany týraly atap ótti.

Mıssııa 2018 jylǵy 24 maýsymda Túrkııada ótken prezıdenttik jáne parlamenttik saılaý Túrkııanyń ulttyq zańnamasyna jáne halyqaralyq saılaý standarttaryna saı ótkeni týraly qorytyndyǵa keldi.