Atalǵan baıqaý bıyl toǵyzynshy ret uıymdastyrylyp otyr. Jyl ótken saıyn onyń aıasy keńeıip, bedeli de artyp keledi. Bıyl baıqaýǵa elimiz boıynsha 200-ge jýyq qatysýshydan 800-den astam jumys kelip tústi. Onyń 85 paıyzǵa jýyǵy memlekettik tilde ekenin de erekshe atap ótken jón.
Bıylǵy baıqaýdyń taǵy bir ereksheligi retinde burynǵydaı tek partııanyń qyzmetin nasıhattaǵan jýrnalısterge ǵana emes, elimizdegi ekonomıkalyq, saıası, áleýmettik jáne rýhanı jańǵyrýdy, elordamyzdyń 20 jyldyq mereıtoıyn jáne «Prezıdenttiń bes áleýmettik bastamasyn» nasıhattaýǵa belsendi qatysqan tilshiler qaýymynyń da marapattalǵanyn aıta ketken jón.
Saltanatty jıyndy ashqan Máýlen Áshimbaev «Nur Suńqar» baıqaýdyń jýrnalıster arasyndaǵy básekelestiktiń kúsheıýine jáne otandyq jýrnalıstıkanyń jan-jaqty damýyna tıgizgen oń áserin atap ótti. Sondaı-aq partııa Tóraǵasynyń Birinshi orynbasary jýrnalısterdiń qoǵamdaǵy orny erekshe ekenine de nazar aýdardy.
– Qazirgi kezde kez kelgen qoǵam úshin aqparattyń alar orny erekshe. О́ıtkeni aqparattyń damýǵa, zaman kóshine ilesýge tıgizer áseri zor. Sol sebepti de búginde jýrnalıster qaýymyna júktelip otyrǵan mindettiń máni men mańyzy artyp, salmaǵy da aýyrlaı tústi. Elimizdiń kez kelgen jetistigi men baǵyndyrǵan bıikterin halyqqa alǵash bolyp taratatyn da sizdersizder. Keleshekte budan da bıik belesterdi baǵyndyryp, oıǵa alǵan maqsat-murattaryńyzǵa jetýlerińizge tilektespin. Sol jolda myqty densaýlyq, qajymas qaırat jáne sarqylmas shabyt tileımin, – dedi Máýlen Áshimbaev.
Sonymen qatar partııa Tóraǵasynyń Birinshi orynbasary aldaǵy ýaqytta da partııa men buqaralyq aqparat quraldary arasyndaǵy baılanys odan ári nyǵaıyp, eki taraptyń el múddesi jolynda birlesip jumys isteıtinine senim bildirdi.
Bıyl qatysýshylardan eldiń saıası, ekonomıkalyq, rýhanı jáne áleýmettik jańǵyrýy, Prezıdenttiń bes áleýmettik bastamasy, Elbasy – «Nur Otan» partııasynyń Tóraǵasy Nursultan Nazarbaev belgilep bergen ózekti máselelerdiń iske asyrylý barysyn nasıhattaıtyn eńbekter qabyldandy. Sondaı-aq partııa qyzmetin jańǵyrtý, Májilistegi jáne barlyq deńgeıdegi máslıhattaǵy partııa fraksııalarynyń jumysy men jańa partııalyq jobalardy dáriptep, «Nur Otan» partııasynyń jastar saıasatyn jandandyrý maqsatynda atqarǵan isterin halyqqa jetkizýde belsendilik tanytqan jýrnalıster qatysty.
Nátıjesinde elimizge tanymal qoǵam qaıratkerleri men otandyq jýrnalıstıkany órge súıregen belgili tulǵalardan quralǵan Baıqaý komıssııasy «Kózqaras» (eń úzdik televızııalyq jýrnalıst), «Halyq daýysy» (eń úzdik televızııalyq jýrnalıst), «Sóz sheberi» (gazettiń úzdik jýrnalısi), «Sóz zergeri» (gazettiń eń úzdik jýrnalısi), «Medıa-profı» (ınternet basylymnyń eń úzdik jýrnalısi), «Partııalyq jańǵyrý» (jańa partııalyq jobalar týraly úzdik materıal), «Astanaǵa 20 jyl» (elordanyń 20 jyldyǵyna arnalǵan úzdik materıal), «Rýhanı jańǵyrý» (qoǵamdyq sanany jańǵyrtý baǵdarlamasyn ilgeriletýge qosqan úlesi úshin), «5 bastama» (Memleket basshysynyń áleýmettik bastamalaryn nasıhattaýda belsendilik tanytqany úshin) jáne «Maıtalman» (otandyq jýrnalıstıkany damytýǵa qosqan úlesi úshin) atalymdary boıynsha jeńimpazdardy anyqtady. Osy rette «Partııalyq jańǵyrý», «Astanaǵa 20 jyl», «Rýhanı jańǵyrý», «5 bastama» jáne «Maıtalman» atalymdary boıynsha syılyqtar bıyl alǵash ret berilip otyrǵanyn atap ótken jón.
«Nur Suńqar – 2018» baıqaýynyń jeńimpazdary:
Tımýr QAZAǴULOV, «Aksent» Qostanaı oblysy Lısakov qalalyq telearnasynyń bas redaktory, eń úzdik televızııalyq jýrnalıst – «Kózqaras» atalymy;
Indıra ASANOVA, «Qazaqstan» ulttyq telearnasynyń analıtık-redaktory, eń úzdik televızııalyq jýrnalıst – «Halyq daýysy» atalymy;
Seıfolla ShAIYNǴAZY, «Egemen Qazaqstan» gazeti bas redaktorynyń orynbasary, úzdik gazet jýrnalısi – «Sóz zergeri» atalymy;
Aıjan ShAÝQULOVA, «Aktıýbınskıı vestnık» Aqtóbe oblystyq qoǵamdyq-saıası gazetiniń korrespondenti, úzdik gazet jýrnalısi – «Sóz sheberi» atalymy;
Nıkolaı ENELANE, Informburo.kz aqparattyq-taldamalyq portalynyń arnaıy korrespondenti, ınternet basylymnyń eń úzdik jýrnalısi – «Medıa-profı» atalymy;
Shalqar QOJAEV, «Habar 24» telearnasynyń shef-redaktory, Memleket basshysynyń áleýmettik bastamalaryn nasıhattaýda belsendilik tanytqany úshin – «5 bastama» atalymy;
Ekaterına BESKORSAIа, «Kazahstanskaıa pravda» gazetiniń Pavlodar oblysyndaǵy menshikti tilshisi, jańa partııalyq jobalar týraly úzdik materıal – «Partııalyq jańǵyrý» atalymy;
«Astana aqshamy» gazetiniń redaksııasy, elordanyń 20 jyldyǵyna arnalǵan úzdik materıal – «Astanaǵa 20 jyl» atalymy;
Darhan QYDYRÁLI, «Habar» telearnasynyń «Bolashaqqa baǵdar» baǵdarlamasynyń júrgizýshisi jáne baǵdarlamanyń shyǵarmashylyq ujymy, qoǵamdyq sanany jańǵyrtý baǵdarlamasyn ilgeriletýge qosqan úlesi úshin – «Rýhanı jańǵyrý» atalymy;
Sultan ORAZALY, jýrnalıst, jazýshy, teledramatýrg, Halyqaralyq televızııa jáne radıo akademııasynyń akademıgi, otandyq jýrnalıstıkany damytýǵa qosqan úlesi úshin – «Maıtalman» atalymy.
Mádına JÁLELQYZY,
«Egemen Qazaqstan»
