Jaryq sóngen úsh kún

Úı bes bólme. Bes bólmede tórt teledıdar, bir kompıýter. Osy ýa­qytqa deıin altaýy emin-erkin oty­ryp, shúıirkelesken emes. Tamaq ishile salysymen úsheýi túrik teleserıalyna, bireýi kon­sert tamashalaýǵa, endi biri mýltfılm kórýge otyrsa, Arqabaı fýtbol oıynyna jankúıerlik etýge teledıdaryn qosatyn. Teledıdardaǵy túrik serıaldarynyń túrli jymysqy áreketteri men opasyzdyq isteri júık­elerine salmaq salyp, qat­ty áser etedi-aý, áıteýir das­tar­qan­ǵa otyrǵanda bir-biri­niń só­zin kótere almaı, ashý shaqy­ryp kóńilderine qaıaý salyp ala­tyn sátteri de jıi kórinis taba­tyn.

Keshegi úsh kún elektr jary­ǵy óshkeli Arqabaıdyń otbasy dastarqan basyna ýaqtyly jıy­lyp, ortada bárine ortaq ájik-gújik áńgimeler aıtylyp jatty. Anasy balalarynyń sá­bı kezindegi tátti qylyqtaryn eske alsa, ákeleri Arqabaı anala­rymen birge mahabbat qurǵan jas­tyq dáýreninen estelikter aıtyp arqa-jarqa bolysty. Osy ja­ryq sóngen úsh kúnde altaýy birin-biri jańa kórgendeı aıtarlary taýsylmady. Tymyryq, to­maǵa tuıyq kezder kelmes­ke ketip, shańyraqtaryna bereke kirgendeı boldy. Ata-ana re­tinde ul-qyzdarynyń kún­de­li­gin tekserip, tanysyp, qol­da­ryn qoıyp, sabaqtaryn py­syq­tat­ty. Balalarynan synyp je­tek­shileriniń kim ekenin de bilip aldy.

Arasynda alys jaqyn aǵaı­yn­nyń amandyǵyn surasýdy da umyt qaldyrmaǵan Arqabaı Astanadaǵy jıenine habarlasty «Jıenjan, senderde sbet barma?» «Iá, naǵasheke, qansha daýyl tursa da bizde jaryq sónbeıdi», dedi jıeni masattana. «Qap!» degen sózdiń aýzynan qalaı shyq­qanyn ańǵarmaı qalǵan Arqa­baı­dyń úninde jıenine degen aıaýshylyq baıqalyp turdy.

Jaryq sóngen úsh kúnde áıeli teledıdarǵa alańdamaı, kó­ńil bólip daıarlaǵannan ba, ta­maǵynyń da dámi kirgendeı bol­dy.

Ertede babalarymyz maı sham­men-aq ómir súrgeni belgili. Er­te jatyp, tań alakeýimnen sha­rýa­syna kirisip, eldiń sońy tó­seginen endi turyp jatqanda qor­a jaıyn birjaqty etip shaıǵa kiretin bolǵan. «Erte turǵannyń yrysy da, bir isi de artyq» bolatyny sodan bolsa kerek.

«Iá, durys aıtasyz. Halqy­myz­dyń demografııalyq ósýine de sóngen jaryqtyń kóp-kórim úlesi bar ekendigi daýsyz. Oǵan siz túgili ósý, kóbeıý degenge qos qol­yn kótere qoldaıtyn Maqash kó­kemiz de daýlasa qoımas», deıdi Arqabaı óz-ózine senimdi túrde.

Erteń jaryq jansa bári de qaıtadan taz qalpyna túserin bilgen Arqabaı kóziniń astymen tóbedegi melshıgen lampaǵa aqyryn qarap qoıdy...

Maqsat QARǴABAI