Medısına quraldary erekshe damyǵan Ońtústik Koreıa elinen ákelingen qurylǵy býyn-súıek aýrýlarymen aýyrǵan naýqastarǵa kómegin tıgizip jatyr.
- Súıektiń tyǵyz bolýy úshin kalsıı úlken ról atqarady. Sol sebepti onyń súıektegi mólsherin udaıy anyqtap otyrǵan abzal. Bul ásirese, áıel adamdar úshin asa mańyzdy. Densıtometr apparaty jalpy súıektiń mıneraldy tyǵyzdyǵyn zertteıdi. Buryn rentgenniń kómegine júginetin edik. Onyń ózinde tek boljaldy qorytyndy jasaıtynbyz. Qazir táýligine 15-ke jýyq naýqasty apparatqa túsirip jatyrmyz,-deıdi Qyzylorda qalalyq aýrýhanasynyń dáriger-revmatology Gúlnazym Qojahmet.
Aldaǵy ýaqytta Qyzylorda qalalyq aýrýhanasynyń materıaldyq bazasy jańa qondyrǵylarmen kóbeıedi.
Baqtııar TAIJAN,
«Egemen Qazaqstan»
