Jıynǵa Bilim jáne ǵylym vıse-mınıstri Talǵat Eshenqulov, «Atameken» UKP basqarýshy dırektory Oljas Ordabaev jáne qurylys salasy boıynsha sarapshy Álibek Mardanov qatysty.
«Bul baǵalaýdy biz «Atameken» UKP-men birlesip júrgizdik. О́zderińizge belgili osy jyldyń basynda atalǵan sharany bastaıtynymyzdy málimdegen bolatynbyz. Osy jumys boıynsha 2000-ǵa jýyq bilim berý baǵdarlamasyn baǵalaýdy maqsat ettik. Búgingi tańda 33 mamandyq boıynsha 784 bilim berý baǵdarlamasyn baǵalap shyqtyq. Ol baǵalaýǵa negizi tehnıkalyq mamandyqtar, áleýmettik ǵylymdar, ekonomıka jáne bıznes mamandyqtary engizildi. Jalpy baǵalaý ádistemesi boıynsha biz eki kezeńge bóldik. Birinshi kezeń ol, naqty statıstıkalyq málimetter bolsa, ekinshi kezeńi sol baǵdarlamalardy baǵalaý. Baǵalaýǵa jumys berýshilerdiń ókilderin jáne arnaıy sarapshylardy shaqyrdyq. Al birinshi baǵyt ıaǵnı, statıstıkalyq baǵyt boıynsha ár joǵary oqý ornyn bitirgen túlekterdiń jumysqa ornalasý paıyzyn, sonymen birge olardyń aılyq jalaqy mólsherin, saýalnama júrgizý arqyly jurtshylyqtyń joǵary oqý ornyna qanaǵattanatynyn nemese qanaǵattanbaıtynyn negizge aldyq. Sonymen qatar muǵalimderiniń sapasyn, sol bilim salasyna quıylǵan ınvestısııanyń kólemin, taǵy da basqa máselelerdi negizge ala otyryp baǵalaý jumysyn júrgizdik», dedi Talǵat Eshenqulov.
Sondaı-aq ol, bul baǵalaý nege áser etedi, qandaı nátıje beredi degen suraqtar týyndaýy múmkin ekenin alǵa tartyp, keńinen aqparat berdi.
Reıtıng boıynsha júrgizilgen jumys nátıjeleri aldaǵy ýaqytta Bilim jáne ǵylym mınıstrliginiń jáne «Atameken» UKP-nyń saıttarynda jarııalanady», dedi vıse-mınıstr.
Raýan QAIDAR,
«Egemen Qazaqstan»
