Isker aǵalarǵa izet bildiremiz

Bilim jáne ǵylym mı­nıstr­liginiń bastamasymen bıyl on birinshi márte uıymdas­tyrylǵan «Mektepke jol» qaıyrymdylyq aksııasy «Meniń tańdaýym – balalarǵa kómek kórsetý!» uranymen ótýde. Batys Qazaqstan oblysy­nyń Aqsýat aýylyndaǵy Aqsýat jalpy orta bilim beretin mektebinde jergilikti kompanııa – Aqsýat aýyldyq okrýgi­ne qarasty Magıstraldy aýylyndaǵy «ORALMUNAI» bıyl da qomaqty kómek kórsetti. Seriktestiktiń bas dırektory Ǵalymjan Erǵalıev mektebimizdegi az qamtylǵan 16 oqýshyǵa jalpy quny 175500 teńge bolatyn «Mimioriki» otandyq tigin fabrıkasynyń mektep formasyn tabystady.

– Árıne aýyldaǵy az qam­tylǵan otbasylar úshin bul úlken kómek. «Saýaptyń eń úlkeni – bilim jolyndaǵy shákirtke kómektesý» degen. «Oralmunai» kompanııasynyń basshylyǵyna aksııaǵa qatysyp, demeýshilik kórsetkeni úshin shyn júrekten alǵys aıtamyz, – deıdi Aqsýat aýyldyq okrýginiń ákimi M.Engelov.

Balalary sońǵy úlgide tigilgen sý jańa mektep formasyn ıelengen ata-analar da demeýshilerge alǵys jaýdyryp jatyr. Shá­kirt­terimizdiń júzindegi shynaıy shattyqty kórip, osyndaı qýanyshqa bólegen kásipker Ǵa­lym­jan Erǵalıevke, aýyl basshysy Maksım Engelovke, basqa da janashyrlarǵa mektep ujymy atynan rızashylyq bildiremiz.

Gúldana MALAEVA,

Aqsýat jalpy orta bilim beretin mektep dırektorynyń tárbıe isi jónindegi orynbasary

Batys Qazaqstan oblysy,
Terekti aýdany