Jeńil kólikte bolǵan 37 jastaǵy Pavlodar oblysy mádenıet, arhıvter jáne qujattama basqarmasynyń basshysy Ardaq Raıymbekov jáne onyń áıeli men úsh jasar balasy qaza tapty. Kólikte otyrǵan 53 jastaǵy áıel adam da ómirden ozdy.
Jol kólik oqıǵasy orynynan túrli jaraqattarmen 57 jastaǵy er adam men 27 jastaǵy áıel adam emhanaǵa jetkizildi. Aqparatty oblys ákiminiń baspasóz qyzmetinde rastap, Ardaq Raıymbekovtyń demalysta bolǵanyn jetkizdi. Jedel járdem qyzmetiniń málimdeýinshe, shaqyrý túngi saǵat 00:14-te túsken. Oqıǵa orynyna birinshi bolyp Chernoe aýylynyń dárigerleri, Novoıamyshev jáne Aqqý aýylynyń jedel járdemi jetken. Polısııa jol kólik oqıǵasy boıynsha qylmystyq isti tergeýde. Barlyq saraptamalar taǵaıyndalǵan.
