Nursultan Nazarbaev «QazMunaıGaz» aksıonerlik qoǵamy munaı-gaz jobalarynyń barlyǵyna qatysatyn Qazaqstandaǵy iri óndiris holdıngterdiń biri ekenin atap ótip, energetıka sektoryn odan ári damytý úshin kompanııanyń áleýetin paıdalaný qajettigin aıtty.
– Búginde «QazMunaıGaz» belgili bir damý deńgeıine jetti jáne qurylymdy ońtaılandyrý, tehnologııalyq úderisterdi sıfrlandyrý, IPO-ǵa shyǵýǵa ázirlik barysyn qamtıtyn transformasııa kezeńin bastan ótkerýde, – dedi Qazaqstan Prezıdenti.
Saýat Myńbaev Memleket basshysyna energııa resýrstaryna degen álemdik baǵanyń kompanııa tabysyna áser etýi turǵysynan munaı naryǵyndaǵy ahýaly jóninde baıandady.
Kezdesý qorytyndysy boıynsha Elbasy birqatar naqty tapsyrma berdi.
