– Biz oqytýshylardyń kásibı biliktiligine erekshe nazar aýdaryp otyrmyz. О́tken jyly óńirdegi kolledjderden 16 pedagog Malaızııa, Chehııa, Ulybrıtanııa, Germanııa jáne Fınlıandııa sııaqty elderde bilimin jetildirip qaıtty. Buǵan qosa 100-den asa kolledj oqytýshysy men sheberi aǵylshyn tili kýrsynan ótti. Búginde 5 kolledjde arnaýly pánder men ınformatıka sabaǵy aǵylshyn tilinde ótedi. Osy kúzde Oral munaı, gaz jáne salalyq tehnologııalar kolledjiniń 10 oqytýshysyn VIM (Building Information Modeling) tehnologııa pánin tereń meńgerý úshin Fınlıandııaǵa jibergeli otyrmyz. Bıylǵy oqý jylynan bastap Oral qalasy men aýdan ortalyqtarynda baǵdarlamalaý negizderi men robot tehnıkasyn tereńdetip oqytatyn IT-synyptary ashylady, – dedi oblys ákimi Altaı Kólginov.
Bıylǵy tamyz keńesiniń «Tórtinshi ónerkásiptik revolıýsııa jaǵdaıyndaǵy adamı kapıtal» taqyrybymen ótýinde de úlken mán bar. О́ńir basshylyǵy jeke adamnyń kásibı jetilýine, bilim deńgeıiniń álemdik talaptarǵa saı kóterilýine den qoıyp otyr. TEDh formatynda uıymdastyrylǵan konferensııada «Nazarbaev zııatkerlik mektepteri» derbes bilim berý uıymynyń basqarma basshysy Kúlásh Shamshıdınova, «Knouledg Engineering» JShS dırektory Nartaı Áshim, «Astana Garden Schools» basshysy, bilim berý tehnologııalary boıynsha trener Nurmuhammed Dosybaev, «Editech» halyqaralyq bilim ortalyǵynyń bas dırektory, psıholog Ǵanı Beısenbaev syndy bilikti mamandar sóz alyp, mańyzdy salanyń búgini men bolashaǵy týraly oılarymen bólisti.
– Bıylǵy tamyz keńesi jyldaǵydan ózgeshe. Ereksheligi sol – mańǵaz prezıdıým da, kóldeı baıandamalar da, trıbýnadan esep berý de bolǵan joq. Shaqyrylǵan spıkerlerdiń árqaısysy bir mektep, bir lektorıı. Atap aıtqanda, Kúlásh Noǵataıqyzy – qazirgi zamanǵy myqty qoǵam qaıratkeri, elimizdegi bilim berýdiń jańa fılosofııasyn, jańa mazmuny men ádistemesin qurastyryp qana emes, mektepterge engizýdi abyroımen iske asyryp keledi, – deıdi Jahansha Dosmuhameduly atyndaǵy Oral pedagogıkalyq kolledjiniń dırektory Svetlana Baqysheva.
Oblystyń bilim salasynda sıfrlandyrý isi de qarqyndy júrýde. Bilim berý salasyndaǵy sapa men ashyqtyqty qamtamasyz etetin osy júıeniń arqasynda ata-ana balabaqshaǵa balasyn onlaın rejimde ornalastyra alady. Balanyń mekteptegi sabaq úlgerimin de e-kúndelik júıesi arqyly baqylap otyrýǵa bolady. О́ńirdegi shalǵaı aýyldarda shashyrap jatqan shaǵyn mektepterde «Bilim book» elektrondy jobasy engizilgen. Iаǵnı 226 shaǵyn jınaqty mektep baǵdarlamasy toqsan saıyn jańartylyp turatyn «Bilim book» noýtbýkterin paıdalanady. Eń ozyq baǵdarlamalar, sabaq úlgileri úsh tilde júktelgen bul kómekshi quralǵa ınternettiń qajeti joq, avtonomdy qyzmet etedi.
Taǵy bir jańalyq, oblysta pedagogıkalyq, ındýstrıaldyq jáne sporttyq baǵytta bilim beretin úlgili úsh kolledj qurý qolǵa alynbaq. Álemniń ozyq oqý metodıkasy, zamanaýı jabdyqtar men kreatıvtik oılaý júıesi keshendi kórinis tabatyn mundaı bilim ordasy óńirdegi ózge kolledjderge tájirıbe taratyp, alǵa súıreıtin lokomotıv qyzmetin atqaratyn bolady.
– Biz 3-6 jas aralyǵyndaǵy sábılerdi mektepke deıingi tárbıe oryndarymen tolyq qamtydyq. 2018 jyldan bastap Oral qalasy men Bórli aýdanynda balabaqsha kezegine turý avtomattyq júıege kóshti. Jyl sońyna deıin bul úrdis barlyq aýdan ortalyqtaryna engiziledi. Oblysta «BatysBilimTallks» bilim berý lektorııasy jáne «О́sý vektory» atty lıderlik mektep jobasy qolǵa alyndy. Bul óńir pedagogtarynyń kásibı biliktiligin arttyrýǵa baǵyttalǵan eń jańa baǵdarlama, – deıdi oblystyq bilim basqarmasynyń basshysy Sholpan Qadyrova.
Qazbek QUTTYMURATULY,
«Egemen Qazaqstan»
Batys Qazaqstan oblysy
