Qapshaǵaı aǵyndy sorǵy stansııasynda úsh slesar qudyq tazalaý kezinde metan gazyna ýlanyp qaza tapty. Oqıǵa 2018 jyly 28 tamyz kúni saǵat 11:49-da 10-ynshy káriz júıesinde boldy.
Shamamen 11:20-da stansııa qyzmetkeriniń biri qudyqtan besinshi deńgeıli sheber E.Túmenbaev, úshinshi deńgeıli dánekerleýshi B.Álıhanov pen besinshi deńgeıli qurylysshy T.Ahmetovtyń denesin tapqan. Júrgizýshi dereý "Qapshaǵaı sý arnasy" MKK bas ınjıneri H.A.Batyrhanov, sheber Sh.Saýmalbaıǵa habarlap, oqıǵany baıandap bergen. Keıin Tótenshe jaǵdaı men basqa da jedel qyzmetter shaqyrylǵan. Qaza tapqandardyń denesin qutqarýshylar shyǵaryp aldy. Qazirgi kezde qaıǵyly oqıǵanyń sebebin tıisti organdar, ishki ister bóliminiń qyzmetkerleri men Qapshaǵaı medısına qyzmeti anyqtap jatyr.
«Qapshaǵaı sý arnasy" MKK basshylyǵynyń tarapynan qaza tapqandardyń otbasyna kómek kórsetiledi. Marqumdardyń týystary men jaqyndaryna kóńil aıtamyz», delingen kásiporynnyń baspasóz habarlamasynda.
