Sharaǵa qaladaǵy orta bilim beretin uıymdar, mektepter men kolledj basshylary qatysty. Kezdesý barysynda «Sanaly urpaq» jobalyq keńsesiniń jetekshisi Q.A.Tokýshev taldaýlar nátıjesine qatysty 18 usynys engizip, onyń ishinde kolledj, mektep qyzmetkerleri men stýdentterge sybaılas-jemqorlyqqa qarsy standarttardy bekitý, mektepterdegi salymdardy jınaýdy doǵarý, memlekettik qyzmet sapasyn joǵarylatý máselelerin talqylady.
Semınar aıasynda «Sanaly urpaq» jobasy sheńberinde akademııalyq adaldyq jáne sybaılas-jemqorlyqqa qarsy áreketterdi kúsheıte otyryp, bilim beretin uıymdarda baǵalaý júıesin qalyptastyrý usynyldy. Boljam boıynsha baǵalaý júıesi jyl saıyn ótkiziletin bolady. Al onyń nátıjesine oraı qalyptasatyn sybaılas-jemqorlyqqa qarsy reıtıng orta mektep, kolledj jáne joǵary oqý oryndarynyń árqaısysyna jekeleı júrgiziletin bolady.
Semınar sońynda Almaty qalasynyń bilim berý basqarmasy basshysynyń orynbasary L.A.Jylqybaeva mektep jáne kolledj dırektorlaryna óz qyzmetterin akademııalyq adaldyq qaǵıdasyna súıene otyryp júzege asyrý mindetin tapsyrdy.
Elvıra Serikqyzy,
«Egemen qazaqstan»
ALMATY
