Qaıǵyny bólisseń jeńildeıdi

Jańaózende, odan keıin Shetpe stan­sa­synda bolǵan oqıǵalar qaı-qaısy­myz­dy da beıjaı qaldyr­maıtyny sóz­siz. Mundaı keleń­siz­diktiń  Táýelsizdik merekesi kúni  oryn alýy ókinishti, árıne. О́zderi turatyn qaladaǵy kórnekti ny­san­dardy  órtep, tonaýǵa barǵan adam­dardyń áreketin aqtaý qıyn.  Toıy­myzdyń shyrqy nege buzyldy? Bul azamat retinde árkimdi de oılantatyny sózsiz. Qandaı da sheshimin kútken ózekti máselelerdi bulaı ýshyqtyrmaı-aq sheshýge bolatyn edi dep oılaımyn. Qaqty­ǵystar halyqtyń qamyn oılaǵandyq bolmaıdy. Alaıda, osyndaı oqys oqıǵa oryn aldy, endi onyń zardabyn jeńil­detýdiń jaıyn oılaý qajet. Osy  baǵytta Elbasy men Úkimet shuǵyl sheshimge kelip, qaıǵyny seıiltý sharalaryn alyp jatyr. Bul bir kúnde jazylatyn jan jarasy emes, degenmen qaıǵyny bólisseń jeńildeıdi deıdi halqymyz. Sondyqtan jańaózendikterge kómek qoyn sozýdan eshkim syrt qalmaq emes. Qazir Memleket basshysy men Úkimettiń qadamdary osy baǵytta órbigeni kóńilge medet. Elbasy tapsyrmasymen qurylǵan  Úkimettik komıssııa osy kúnderi jaǵ­daı­dy turaqtandyrý baǵytynda biraz ju­mystar atqardy. Úkimettik komıssııa jeti top boıynsha jumys istep, nysandardy qalpyna keltirý, áleýmettik qamtamasyz etý, azyq-tú­lik­pen qamta­ma­syz etý, ha­lyqty aqparat­tandyrý, qu­qyqtyq qam­tamasyz etý ba­ǵytynda kóp sharýalar tyn­dyrdy. Úki­mettiń Jańa­ózen­degi tár­tipsizdikterdiń zar­dabyn joıý­ǵa jáne qalany qalpyna keltirýge arnaıy sharalar josparyn bekitkenin, osy maqsatqa 3 mıllıard teńge bólingenin estip, qu­lazyǵan kóńilimizge senim uıalady. Jekemenshik nysandardy qalpyna keltirýge de qarjy qarastyrylmaq. Elbasy Nursultan Nazarbaevtyń Mańǵystaý oblysyna arnaıy baryp, aktıv ótkizýi de bul máseleniń asa mańyzdy ekenin kórsetedi. Buzaqy toptyń is-áreketterine sebepshi bolǵan «О́zen­munaı­gaz» kompanııasy  jumystan bosatylǵan jumysshylardyń arasyndaǵy eńbek daýyn durys sheshpegen «Samuryq Qa­zyna» qory men «QazMunaıGaz» kom­pa­nııasynyń basshylaryn aýystyrýy ar­qyly mundaı jaǵdaıǵa soqtyrǵandardyń eshqaısysyna keshirim bolmaıtynyn ań­ǵartty. Jańaózendegi kezdesýde de Elba­sy uly Abaıdyń «Halyq birligi bizdiń eń basty qundylyǵymyz» degen sózin taǵy bir eske saldy.  Nursultan Ábishuly, eldiń ózge óńirleriniń qalanyń qıraǵan nysandaryn qalpyna keltirýge umtylyp otyrǵanyn atap óte kelip, otandyq kási­p­k­erlerdiń qıraǵan nysandardy qalpyna keltirýge yqpal etetinin jetkizýi qıyn­dyqty birigip kóterýge jumylǵan qaza­q­standyqtardyń oıyn dóp basty dese bolady.  Elbasy osy jumystardy óte qysqa merzimde oryndaýdy Úkimetke qa­dap tapsyrdy. Prezıdent árbir jańa­ózendiktiń údemeli ındýstrııalyq-ınno­vasııalyq damý baǵdarlamasy aıasynda ashylǵan kásiporyndarda jumysqa ornalasýǵa múmkinshiligi bar ekenin ashyp aıtty. Bul jańaózendikter úshin kúrmeýi qıyn máseleni sheshýge alǵyshart jasaı­tyny sózsiz. Bizder, qazaqstandyqtar, Jańaózenniń bolashaǵyna  úlken senimmen qaraımyz. Memleket jergilikti jerdegi halyqtyń  jumyspen qamtylýyna, áleýmettik máseleleriniń sheshilýine baı­lanysty  baǵdarlamalar qabyldap, keshendi sharalar alyp jatyr. Biz qashanda birlikti, tynyshtyqty qalaǵan halyqpyz. Bul keleńsizdikter  bolashaqqa sabaq bolady, budan qorytyndy shyǵarylady. Qandaı jaǵdaıda da aǵaıyn arasynyń tatýlyǵyn oılaǵan qazaq halqy ózara túsinistikke, birlik pen yntymaqqa uıyt­qy bolady dep senemin. Bul meniń ǵana pikirim emes, seriktestiktiń óndiristik dırektory Marat Iteǵulov bastaǵan 60 adamdyq taýarly-sút fermasy ujy­mynyń oıy. Bizge alańsyz eńbek etip, tynysh ómir súrip, ulaǵatty urpa­ǵy­myzdy ósirýimiz kerek. Álmurat QOSMAǴAMBETOV, «AIS» JShS taýarly-sút fermasynyń bas zootehnıgi. Aqtóbe oblysy.