Táýelsizdiktiń joly qatty, dámi tátti

Taraz ınnovasııalyq-gýmanıtarlyq ýnı­versıtetiniń «Sherhantaný» ǵylymı-zert­teý ortalyǵy Memlekettik syılyqtyń laý­reaty, jazýshy Sherhan Murtazanyń «Táý­el­sizdiktiń joly qatty, dámi tátti» dep atalatyn kitabyn oqyrmandarǵa usynyp, tusaýkeserin ótkizdi. Atalmysh oqý or­ny­nyń baspahanasy munyń aldynda da óz stýdentterin «Qazaqtyń Sheraǵasy» degen taǵylymdy kitappen qýantqan bolatyn. Qalalyq Mádenıet úıinde ótken tusaý­keserde stýdentter óz óleńderi men jazýshy shyǵarmalarynan úzindiler oqydy. Kezdesý barysynda ózine degen, ózi baqytty ómir súrip jatqan elgen degen yqylas pen peıilge tolqyǵan Sherhan Murtaza: – Bizdiń ata-babalarymyz óz eli, óz jerindegi qoı ústine boztorǵaı jumyrt­qa­la­ǵan osyndaı zamandy ǵasyrlar boıy armandap, ańsap ótken. Mine, biz sol beıbit zamandy óz kózimizben kórip, tynyshtyqpen ómir súrip otyrmyz. О́z elimiz, óz basshy­myz bar. Bas­shymyz – el tynyshtyǵynyń kepili. El erteńi – jastar sol tynyshtyqty kózderiniń qarashyǵyndaı saqtaı bilýi kerek. Talaı ǵasyrlardan keıin tabysqan táýelsizdigimiz­diń tuǵyry myqty bolsyn! – dep bata berdi. Kósemáli SÁTTIBAIULY, Jambyl oblysy.