«100 jańa oqýlyq» jobasyn júzege asyrýdyń fılosofııalyq, saıası jáne dinı aspektilerin talqylaý men qazirgi zaman jaǵdaıynda qoǵamdyq biregeılik jáne ulttyq sanany qalyptastyrýdy jetildirýdi sarapqa salý dóńgelek ústeldiń negizgi taqyrybyna aınaldy.
Búgingi tańda qoǵamdyq sanany jetildirýdi damytýdyń ózindik modelin júzege asyrylýda. Osy baǵytta sheteldik úzdik oqýlyqtardy qazaq tiline aýdarý asa mańyzdy is bolyp tabylady. 2017 jyly gýmanıtarlyq ǵylym salasynyń mamandary tarapynan 18 oqýlyq qazaq tiline aýdarylsa, al bıylǵy jyly 30 oqýlyqty aýdarý jumysy josparlanǵan.
Stýdent jastarymyz álemdik deńgeıdegi jańa mazmundy bilim nárimen qazaq tilinde sýsyndaıtyn bolady. Osyǵan baılanysty jańa oqýlyqtardyń ıdeıalyq mazmuny men ǵylymı-teorııalyq baǵytyna ǵylymı-eksperttik saraptama jasaý qajettiligi týyndaıdy.
Dóńgelek ústel otyrysy barysynda QR BǴM ǴK Fılosofııa, saıasattaný jáne dintaný ınstıtýtynyń, A.Baıtursynov atyndaǵy til bilimi ınstıtýtynyń, ál-Farabı atyndaǵy QazUÝ-diń, Abylaıhan atyndaǵy qazaq halyqaralyq qatynastar jáne álem tilderi ýnıversıtetiniń jetekshi mamandary baıandama jasap, PhD doktoranttary, magıstranttar jáne basqa mamandar sóz sóıledi.
Sarapshylar kezdesýi barysyndaǵy keń aýqymdy jáne bilikti paıymdaýlarǵa oraı «Jańa gýmanıtarlyq bilim, qazaq tilindegi 100 jańa oqýlyq» jobasy turǵysynda qazaqstandyq biregeılik pen ulttyq ózin-ózi qalyptastyrý boıynsha qazaqstandyq qoǵamnyń birqatar ózekti jáne mańyzdy baǵyttaryn anyqtaý josparlanýda.
Elvıra SERIKQYZY,
«Egemen Qazaqstan»
ALMATY
