Áıelder kásipkerliginiń kókjıegi keńeıip keledi

Sondaı-aq jıyn qonaqtary qatarynda Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, Parlament depýtattary, memlekettik organdar, «Atameken» UKP, úkimettik emes uıymdar, kásipker áıelder qoǵamdastyǵy ókilderi boldy.

Quttyqtaý sózinde Gúlshara Ábdiqalyqova el Prezıdenti N.Á.Nazarbaev Qazaqstan men О́zbek­stan arasyndaǵy ekijaqty qa­rym-qatynastyń damýyna aı­ryq­sha kóńil bóletinin atap ótti.

Memlekettik hatshy Elba­synyń eki halyqtyń qarym-qatynasynyń naǵyz baýyrlastyq sıpaty óz tamyryn sonaý ǵasyrlar qoınaýyna tartyp, ata-babalarymyzdyń dańqty ortaq tarıhy men baı rýhanı murasy arqyly bekip jatqany jónindegi sózin mysal etti.

G.Ábdiqalyqova Qazaqstanda áıelderdiń ekonomıkalyq múm­kindikterin keńeıtýge baǵyttalǵan memlekettik saıasat júrgizilip otyrǵanyn aıtty.

– Demokratııalyq qoǵam qurýdyń negizgi baǵytynyń biri genderlik úılesimge qol jetkizý bolyp sanalady. Táýelsizdik jyldarynda qomaqty nátıjelerge qol jetti. Bizdiń elimizde áıelderdiń saıasatqa aralasýy jóninen úlken ilgerileýshilik boldy. Májiliste 29 áıel bar, ıaǵnı olar depýtattardyń jalpy sanynyń 27%-inen asady. Ekonomıkada qarqyndy túrde kásipker áıelder sektory qalyptasty. Shaǵyn jáne orta bıznes sýbektileriniń 44%-in áıelder basqarady, olar bul saladaǵy barlyq jumys ornynyń úshten birin qamtamasyz etip otyr, – dedi Memlekettik hatshy.

Forýmda Qazaqstan Prezı­denti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men О́zbekstan Áıelder komıteti arasyndaǵy yntymaqtastyq týraly memorandýmǵa qol qoıyldy. Qazaqstan men О́zbekstannyń kásipker áıelderiniń ınnova­sııalyq bıznes-jobalary nazarǵa usynyldy, syndarly túrde ozyq tá­jirıbe almasý júzege asyryldy.

Memlekettik hatshy G.Áb­diqalyqova forým aıasynda О́zbekstan Pre­mer-mınıstriniń orynbasary, Áıelder komıtetiniń tóraıy­my T.Narbaevamen birge áıel­der bıznes qoǵamdastyǵy ynty­maq­tastyǵynyń, sondaı-aq áıel­der­diń rólin arttyrý men múmkin­dikterin keńeıtýdiń ózekti máselelerin talqylady.

Venera TÚGELBAI,

«Egemen Qazaqstan»