Onyń aıtýynsha, aǵymdaǵy jyly iri kásiporyndar tabıǵatty qorǵaý is-sharalarynyń josparyna ózgerister engizgen, sondaı-aq olardyń oryndalýy lastaýshy zattar emıssııasynyń kólemin edáýir tómendetken.
«1-jartyjyldyqta aýaǵa shyǵarylǵan shyǵyndardyń kólemi 5,9% azaıdy. Naqty kólem 4,9%, al ornalastyrylǵan qaldyqtar 32,7% tómendedi. Sonymen qatar, munaı kompanııalarymen jaǵylǵan gaz kólemi 66,31 mln.m3 qysqartyldy. Oblystyń ónerkásiptik kásiporyndary jalpy somasy 5,5 mlrd.teńgeni quraıtyn 271 tabıǵatty qorǵaý sharalaryn iske asyrdy. Bul Aqtóbedegi ekologııalyq jaǵdaıdy aıtarlyqtaı jaqsartty. Máselen, 2016-2017 jyldary Qazgıdromettiń habarlaýynsha, kúkirt sýtegimen atmosferalyq aýanyń lastanýynyń joǵary jáne óte joǵary 446 oqıǵasy tirkelgen, alaıda aǵymdaǵy jyly mundaı faktiler bolmady », - dedi J.Imanqulov.
Sonymen birge, qalanyń keıbir aýdandarynda qysqa merzimdi sıpatqa ıe jaǵymsyz ıisterdiń bolýy ózekti másele bolyp qala beredi.
«Kúkirt sýtegi men jaǵymsyz ıister shyǵaryndylarynyń kózderi - býlaný alańdarynda ornalasqan spırt sýtegi kásiporyndarynyń qaldyqtary men qatty turmystyq qaldyqtar polıgony bolyp tabylady. Osyǵan baılanysty, "Ekopolıs+" JShS bardanyń jınaqtaýyshyn keshendi mıkrobıologııalyq tyńaıtqyshtarmen óńdeý boıynsha zertteýdiń oń nátıjeleri aldy. Al, polıgonǵa qatysty kelsek, polıgondy paıdalanatyn kásiporyndar TQQ ýaqytynda oqshaýlaý boıynsha SanEjN talaptaryn saqtamaıtyndyǵy nátıjesinde atmosferalyq aýaǵa metannyń, kúkirt sýteginiń jáne ammıaktyń shyǵarylýyna alyp kelip soqtyrady", - dep atap ótti departament basshysy.
Sonymen qatar, óńirde aldaǵy tórt jylǵa arnalǵan TQQ-dy qazirgi zamanǵy kádege jaratý jáne qaıta óńdeý jónindegi sharalar keshendi iske asyrylýda. Baǵdarlama sheńberinde qaldyqtardy bólek jınaýdy engizý, shaǵyn jáne orta bıznes sýbektilerin qaldyqtardy qabyldaý pýnktterin qurýǵa tartý, qaldyqtardy qaıta óńdeý sehtaryn ashý jáne t. b. boıynsha halyqpen jumys júrgizilýde.
