Kongress devızi - «Aqparattyq tehnologııalar dáýirindegi Sapaly Kóshbasshylyqtyń bolashaǵy».
Qazaqstan Sapa jáne Innovasııalyq menedjmenti uıymy (QSIMU), «Atameken» ulttyq kásipkerler palatasy jáne Azııa sapa jelisi (Asian Network for Quality) uıymdastyrýshylary bolyp tabylady.
Kongress jumysyna qatysý úshin Azııanyń, AQSh-tyń jáne Eýropanyń 20 elderinen 200-den artyq ókilderi tirkeldi. Olardyń ishinde álemniń jetekshi ýnıversıtetteriniń ǵalymdary men oqytýshylary, kóptegen elderdiń ulttyq sapa uıymynyń ókilderi, sondaı-aq bıznes-qurylymdardyń menedjerleri men mamandary bar.
Negizgi baıandamashylar retinde dúnıe júzine belgili gýrý jáne sapa menedjmenti salasyndaǵy kásipqoı mamandar shaqyryldy: professor Noriaki Kano (Japonııa), Claes Berlin (Shvesııa), Elizabeth Keim (AQSh), prof. Mohamed Zairi (Ulybrıtanııa), Juhani Antilla (Fınlıandııa), prof. Wan-Seon Shin (Ońtústik Koreıa) jáne taǵy basqalary. Osy Kongress qatysýshylardy kompanııalardy eń ozyq basqarý tujyrymdamasymen tanystyrýǵa, kóshbasshylyqqa qol jetkizý, básekege qabilettilik salasynda úzdik dúnıejúzilik praktıkalyq tájirıbesi týraly aqparat pen bilimdi taratýǵa jáne ulttyq kompanııalar úshin halyqaralyq moıyndaýǵa, sondaı-aq olardyń ónimderi men kórsetetin qyzmetterine baǵyttalǵan.
2002 jyly qurylǵan Azııa sapa jelisi (ANQ) Azııada negizgi mıssııasy ǵylym men tehnıkanyń progresine kómektesý, ónerkásiptiń damýy men adam ómiriniń sapasyn jaqsartý bolyp tabylatyn jetekshi úkimettik emes kommersııalyq emes óńirlik uıym bolyp tabylady. Oǵan Azııanyń 17-den artyq elderiniń Ulttyq sapa uıymdary kiredi, olardyń ishinde: Qazaqstan, Úndistan, Qytaı, Ońtústik Koreıa, Reseı, Sıngapýr, Japonııa, Taıland jáne basqalar. Azııa sapa uıymyn qurýdyń bastamashysy sapa jónindegi dúnıe júzine belgili gýrýy, Tokıo Ýnıversıtetiniń ataqty professory – Norıakı Kano.
Azııa sapa jelisi sheńberinde bıznesti basqarýdyń jańa modelderi, sapany basqarý salasyndaǵy jetekshi azııa kompanııalarynyń jetistikteri usynylatyn jyl saıynǵy kongrester ótkiziledi. Kongress sheńberinde Azııa sapa jelisinde ótkiziletin halyqaralyq sapa konkýrstarynyń qorytyndysy jasalady, sondaı-aq ónim jáne qyzmetter sapasy, personal menedjmenti, áleýmettik jaýapkershilik salasynda úzdik nátıjelerge qol jetkizgeni úshin mamandar men ǵalymdardy marapattaıdy. Uıymdardyń nemese jeke tulǵalardyń marapat alýy olardyń eńbegin halyqaralyq deńgeıde moıyndaýdy bildiredi.
Osy is-sharaǵa qatysý úshin Qazaqstannyń ártúrli óńirlerindegi otandyq kompanııalar Kongress kásiporyndardy basqarýda, óz qyzmetinde ınnovasııalardy paıdalanýda ozyq bilimi men tájirıbesimen almasý úshin múmkindik beredi degen uǵym bolǵandyqtan, úlken qyzyǵýshylyq tanytyp otyr, bolashaqta ónim men kórsetiletin qyzmetterdiń sapasyn arttyrýǵa múmkindik beredi degen naqty jorymal jasaıdy.
Kongress 2018 jyldyń 19-20 qyrkúıeginde Qazaqstan, Almaty qalasy, «Interkontınental» qonaq úıinde ótedi. Kongress sheńberinde Almaty qalasynyń óndiristik kásiporyndaryna tehnıkalyq barlaý uıymdastyrylady.
Kongress sheńberinde ártúrli memleketterdiń kásiporyndary men uıymdary arasyndaǵy yntymaqtastyqqa kómektesý maqsatynda qazaqstandyq óndirýshilerdiń kórmesin ótkizý josparlanýda.
Kelesi 17-shi Azııa Sapa Kongresi ANQ - 2019 Bangkokta (Taıland) ótedi.
