Otyrys qarsańynda Túrki kınosy kúnderiniń ashylý saltanaty, sonymen qatar sarapshylar, mádenı mınıstrlikter men ulttyq kınostýdııalardyń ókilderi, kınematografıster, anımatorlar men kınosynshylardyń semınary boldy.
Qazaqstan Senatynyń depýtaty Dınar Nóketaeva Komıssııanyń otyrysynda kınematografııa salasyndaǵy zańnamany úılestirýdiń mańyzdylyǵyn atap ótip, TÚRKPA-ǵa múshe memleketterdiń rejısserleri men anımatorlarynyń bastamalaryna qoldaý bildirdi.
Kezdesý barysynda Túrkitildes elderdiń kınematografısterin qoldaý jónindegi halyqaralyq qoryn jáne kıno men anımasııa jónindegi birlesken ınternet-portalyn qurý, sondaı-aq jyl saıyn kınofestıval ótkizýdi uıymdastyrý týraly usynystar aıtyldy. Múshe elderdiń parlamentshileri osy saladaǵy ulttyq jáne kóptarapty zańnamany úılestirýge qatysty birqatar oılaryn ortaǵa saldy.
