Jasalǵan shartqa sáıkes, taraptar jylý qubyrlaryn nyǵaıtýǵa jáne paıdalaný merzimin uzartýǵa arnalǵan arnaıy qurylǵylardy ornatý jáne synamaqtan ótkizý boıynsha birqatar sharalar keshenin ótkizýdi josparlap otyr.
Germanııadan kelgen ókilderdiń aıtýynsha, Merus tehnologııasyn kóptegen jyldar boıy qoldaný tájirıbesi jylý jáne sýmen jabdyqtaý júıelerinde paıdalanylǵan kezde olardyń joǵary tıimdiligin kórsetti. Qubyrdyń aınalasynda ornatylǵan arnaıy saqına qubyrlardan jáne tıisti jabdyqtan qaq, tot pen bakterııalardy alyp tastaıtyn molekýlalyq terbelisterdi quraıdy. Joıylǵan bólshekter qubyrlardan jýylady, júıeniń bastapqy joǵary ónimdilik sıpattamalaryn qalpyna keltiredi jáne ekologııalyq qaýipsizdikti qamtamasyz etedi. Bul tehnologııa úıler men ǵımarattardyń jylytý jáne kútip ustaý shyǵyndaryn aıtarlyqtaı tómendetýge múmkindik beredi.
Jaqyn arada Merus óziniń jabdyqtaryn Astana qalasynda 6 aıdyń ishinde pılottyq paıdalaný úshin jetkizedi jáne ornatady. Osy kezeńde mamandandyrylǵan zerthanalar synaq paıdalaný nátıjeleriniń tehnıkalyq jáne zııatkerlik zertteýlerin júrgizedi.
«Qazaqstan Respýblıkasy Investısııalar jáne damý mınıstrliginiń basshylyǵynyń tapsyrmasy boıynsha biz turǵyn úı-kommýnaldyq sharýashylyq salasynda aldyńǵy qatarly sheteldik tehnologııalardy zerdeleý jáne synamaqtan ótkizý boıynsha jumystar júrgizýdemiz. Mundaı tehnologııalardy synamalyq paıdalanýdyń oń nátıjesi bolǵan jaǵdaıda, bul nemese basqa kompanııamen odan ári yntymaqtastyq múmkindigin qarastyratyn bolamyz», - dedi «TKSh QazOrtalyǵy» AQ basqarma tóraǵasy Nursultan Jıenbaev.
Merus qurylǵylaryn ornatý jáne synamaqtan ótkizý boıynsha pılottyq joba Astana qalasy ákimdiginiń, «Astana-Teplotranzıt» AQ basshylyǵy men «Astana Sý Arnasy» MKK-niń qoldaýymen júzege asyrylatyn bolady.
