Astanada ótken dóńgelek ústel «Kópjaqty saýda júıesiniń bolashaǵyna eýrazııalyq kózqaras: DSU-ǵa qosylý jáne DSU qaǵıdalary» taqyrybymen ótti. Basqosýǵa qatysýshylar atap kórsetkendeı, bul taqyryp atalǵan aımaqtaǵy qazirgi jaǵdaı men aldaǵy perspektıvalardy baǵalaý maqsatynda belgilendi.
Qazaqstan DSU-ǵa 2015 jylǵy qarashada bul uıym 162-tolyqqandy múshesine aınalǵan edi. Elimizdiń DSU-ǵa qosylý jónindegi kelissózder úderisi DSU tarıhyndaǵy eń kúrdeli de biregeı kelissóz úderisteriniń biri retinde baǵalanýda. Osynyń nátıjesinde uıym músheleri Qazaqstandy saýda saıasatyn halyqaralyq quqyqtarǵa sáıkes júrgizetin, qolaıly ınvestısııalyq ahýaly bar el retinde tanydy. Qazirgi tańda Qazaqstan álemniń 185 elimen saýda qarym-qatynastaryn damytýda, elimizdiń syrtqy saýdasynyń 90%-i DSU-ǵa múshe elderge tıesili bolyp otyr.
Astanada ótken dóńgelek ústel barysynda málim bolǵandaı, Qazaqstannyń syrtqy saýda kólemi 2017 jyly 77 mlrd AQSh dollaryn qurady. Sońǵy 10 jylda bizdiń elimizge tartylǵan tikeleı sheteldik ınvestısııalar kólemi 200 mlrd AQSh dollarynan asty.
Suńǵat ÁLIPBAI,
«Egemen Qazaqstan»
