Atyraýda qala ákimi Álimuhammed Quttumuratulynyń kásipkerlermen kezdesýi ótti. Is-shara «suraq-jaýap» formatynda ótti, oǵan oblys ortalyǵyndaǵy 200 kásipker qatysty.
Atyraý qalasynyń ákimine 20-ǵa jýyq suraq qoıyldy, olardyń basym bóligi kásipkerlik nysandaryn salýǵa jer telimderin bólý, ınfraqurylym ótkizý, monopolısterge qatysty máselelerdi sheshý boldy.
Qatysýshylardyń suraqtaryna jaýap berip qala ákimi Álımuhammed Quttumuratuly kásipkerlerge Atyraý qalasynyń damýy men órkendeýine úles qosýdy ótindi.
-Búgingi tańda qala 150 mlrd teńgege jýyq jobalardy júzege asyrýda. Barlyq jobalar qala úshin óte mańyzdy. Jergilikti bıýdjetten olardy júzege asyrý úshin qarajat jetispeıtinin túsinemiz, sondyqtan kásipkerlerdi qalanyń damýyna úles qosýǵa jáne qalany jaqsartýǵa kómektesýge shaqyramyz.
Mysaly, ótken jyly kásipkerler kóptegen sport alańdaryn salǵan. Aqtóbeniń kásipkerleri 1 mlrd. teńgeden astam somaǵa nysandar salǵan. Qulsary qalasynda jergilikti kásipker 800 mıllıon teńgege balabaqsha salyp, ony qalaǵa syıǵa berdi. Bıyl bıznestiń ókilderi bizdiń Atyraýdy jaqsartýǵa kómekteskenin qalaımyn, - dep Álimuhammed Quttumuratuly kásipkerlerge ótinish bildirdi.
Qala ákiminiń aıtýynsha, kásipkerler elimizde kóptegen júzege asyp jatqan baǵdarlamalarǵa demeýshi men qaıyrymdylyq kómekshi bolyp belsendi qatysa alady - "Týǵan jerge taǵzym", «Jomart júrek» jobalarynyń mańyzy zor. Memleket basshysynyń "Bolashaqqa baǵdar: Rýhanı jańǵyrý" baǵdarlamasyn júzege asyrý aıasynda qalanyń damýyna eleýli úles qosýǵa múmkindik bar.
- Sizderdiń árqaısyńyzdyń bıznes-qurylymdaryńyz bar, eger siz olardy ósirip, aǵashtar otyrǵyzsańyz, olarǵa qamqorlyq jasasańyz, bul qalanyń damýy men gúldenýine baǵa jetpes úles bolady.
Iıa, biz aıyppul sala alamyz, biraq sizdiń sanańyzǵa úmit artyp, muny istegimiz kelmeıdi. О́z tarapymyzdan kómektesýge daıynbyz, - dedi qala ákimi kásipkerlerge.
Álımuhammed Quttymuratulynyń aıtýynsha, 2019 jyly oblys ortalyǵynda 100 turǵyn úıdi jabdyqtaý josparlanyp otyr. Qazirgi ýaqytta jańa jobanyń tujyrymdamasy ázirlenýde, ony júzege asyrý barysynda kásipkerler belsendi qatysa alady.
