Ulybrıtanııamen saýda qatynasynyń qıyndaýy avtokólik óndirýshilerin de beı-jaı qaldyrmady. Máselen, Toyota Motor Europe kompanııasynyń marketıng jáne satý bóliminiń vıse-prezıdenti Mettıý Harrıson «Brıtandyq avtokólik ónerkásibiniń qazirgi jaǵdaıy, jetkizý joldary – barlyǵymyzdy alańdatatyn másele», dedi. Al Renault-Nissan-Mitsubishi kompanııasynyń basshysy Karlos Gosn «Qazirgi jaǵdaı qandaı da bir sheshim qabyldaý úshin qolaısyz, óıtkeni erteń ne bolary beımálim», deıdi.
BMW kompanııasy kez-kelgen jaǵdaıǵa daıyn bolǵanymen, jaqsyǵa úmitti. Olar «breksıtten» keıingi kútiletin jaǵdaılarǵa daıyndalyp qoıǵan. Kompanııa basqarmasy Ulybrıtanııa kelisimge kelmegen jaǵdaıda, Oksfordtaǵy zaýyttardyń birine jyl saıynǵy qyzmet kórsetý merzimin keler jyldyń 31 naýryzyna shegindirgen. Karlos Traverstiń oıynsha, saıasatkerler erkin saýda mámilesine kelmese, Birikken Koroldiktegi jumys orny men ónerkásipke de keri áserin tıgizedi.
Eger Ulybrıtanııa Eýroodaqtan naqty kelisimsiz shyqsa, DSU-nyń erejesine saı standartty tarıfterge oralý qosymsha mıllıardtaǵan shyǵynmen qosa erkin saýda júıesiniń quldyraýyna da alyp kelýi múmkin.
