– Sımpozıýmǵa Qazaqstan men Túrkııa, Qytaı, Iran, Ázerbaıjan, Reseı, О́zbekstan elderinen kelgen belgili sýretshiler qatysty, – deıdi joba avtory, Mádenıet qaıratkeri Kamıla Japalova. – H.Dosmuhamedov atyndaǵy Atyraý memlekettik ýnıversıtetinde dóńgelek ústel basyna jınalǵan qonaqtar beıneleý óneriniń búgingi ahýaly jaıly oılarymen bólisip, jas sýretshilermen kezdesti. Otyzdan astam sýretshi ýnıversıtet stýdentterine sheberlik synyptaryn ótkizdi, bul jas daryndardyń shyńdalýlaryna septigin tıgizeri anyq.
Sýretshiler kezdesýinde Atyraý qalasy ákiminiń orynbasary Polymbet Hasanov «Rýhanı jańǵyrý» baǵdarlamasy aıasynda aımaqta qolǵa alynyp jatqan jobalar týraly baıandady. Mádenı seriktestikti damytýǵa baǵyttalǵan osyndaı sharalar júıeli túrde uıymdastyrylatynyn aıtty. Qazaqstan jáne Qyrǵyzstan Respýblıkalarynyń eńbek sińirgen qaıratkeri Ilıa Jaqanov tek kompozıtor ǵana emes, sýretshi retinde de belgili. Sımpozıým jumysyna belsendi qatysqan óner qaıratkeri jalpy óńirde mádenıetti damytýǵa aıryqsha kóńil bólinip jatqanyn atap ótti. Shara aıasynda Atyraý qalalyq ákimdigi men halyqaralyq «TÚRKSOI» uıymy jáne Kıpr qazirgi zamanǵy mýzeıi arasynda yntymaqtastyq memorandýmyna qol qoıyldy.
Kıpr Taıaý Shyǵys ýnıversıtetiniń dekany, dızaıner Erdal Aıgench: «Keler jyldyń kókteminde osyndaı sımpozıýmdy Kıprde ótkizemiz. Qazaqstandyq sýretshilermen birge jańa jobalardy qolǵa almaq nıettemiz», deıdi. Atyraýda joǵary dárejede ótken aýqymdy shara endi basqa elderde jalǵasyn tabady.
Baqytgúl BABASh,
«Egemen Qazaqstan»
ATYRAÝ
