Joba maqsaty – jas daryndy balalardyń shyǵarmashylyǵyn qoldaý jáne nasıhattaý arqyly dástúrli án, kúı, bı ónerlerin kásibı deńgeıde oryndaýǵa múmkindik jasaý.
О́nerli jetkinshekterdiń óreli ónerlerin balalar men jasóspirimder arasynda keńinen nasıhattaý barysynda «Daryndar álemi» óner jobasynyń uıymdastyrýymen 2018 jyldyń 14 qazanynda Astanadaǵy «QazMedıa ortalyǵynyń» konsert zalynda II halyqaralyq balalar men jasóspirimder óner baıqaýy bolyp, 30-ǵa jýyq bı ujymdary qatysqan tartysty óner dodasy ótti. Oǵan elimizdiń ár shalǵaıy men Pavlodar, Taldyqorǵan, Qyzylorda, Qaraǵandy, Ekibastuz qalalarynan bıshi ónerpazdar qatysyp baǵyn synady.
Qazylar alqasynyń sheshimi boıynsha bas júldelerdi 3-6 jas aralyǵynda Astanadan qatysqan «Erkem-aı» bı ansambli men Qyzylordadan atsalysqan «Syr juldyzy» bıshiler toby ıelense, 7-11 jas aralyǵyndaǵy ónerpazdar arasynan Taldyqorǵan qalasynan qatysqan «Gores» bı ansambli jeńimpaz bolyp, bas júldeni qanjyǵalaryna baılady.
Berik SADYR,
«Egemen Qazaqstan»
