Jartylaı fınalda kanadalyq Tetlýa Chýolıaǵa shań qaptyrǵan asa aýyr salmaqtaǵy Damır Toıbaı aqtyq synda reseılik Alekseı Dronovpen aıqasady. Bul jekpe-jekti barsha jankúıer taǵatsyzdana kútýde. О́ıtkeni, ústimizdegi jyldyń tamyz aıynyń ekinshi jartysynda Býdapeshte uıymdastyrylǵan jastar arasyndaǵy álem birinshiliginiń fınalynda qos qarsylastyń joly qıysqan bolatyn. Sol kezde qandasymyz qıturqy oıynnyń «qurbany» boldy. Jaı ǵana tıgen soqqyǵa bola, rıngtegi tóreshi nokaýt belgilip, qazaq boksshysyn jarys jolynan shyǵaryp tastaǵan edi. Endi Damır bul joly óziniń myqtylyǵyn dáleldeýge tıis.
91 keli salmaqtaǵy Aıbek Oralbaıdyń da sheshýshi tustaǵa qarsylasy ózine jaqsy tanys. Ol aljırlik Muhammed Ámın Hasıdpen kúsh synasady. Qos bylǵary qolǵap sheberi Býdapeshtegi álemdik dodanyń jartylaı fınalynda sheberlik baıqasqan bolatyn. Ol tartys jerlesimizdiń paıdasyna sheshilgen edi.
64 kılo salmaq dárejesindegi Talǵat Sháıken jartylaı fınalda marokkalyq Muhammed Býlaýdjanyń tas-talqanyn shyǵardy. Tóreshi úshinshi raýndta jekpe-jekti toqtatýǵa májbúr boldy. Endi Talǵat fınalda jastar arasyndaǵy álem birinishliginiń kúmis júldegeri, reseılik Ilıa Popovpen qolǵap túıistiredi.
Al jartylaı fınalda jeńilis tapqan 75 keli salmaqtaǵy Nadejda Rıabes qola medal úshin talasady. Onyń qarsylasy – Aljırdiń ókili – Ichrak Chaıb.
Ǵalym SÚLEIMEN,
«Egemen Qazaqstan»
