Reseıdiń Týva ólkesiniń týmasy Artas Sanaa osydan tórt jyldan asa ýaqyt buryn Qazaqstanǵa qonys aýdarǵan bolatyn. Sol ýaqyt aralyǵynda birqatar halyqaralyq jarystarda jaqsy nátıje kórsetip, jankúıerler yqylasyna bólendi. Byltyr Azııa chempıonatynda qola medal alsa, bıyl bas júldeni oljalady. Rıo Olımpıadasynda baq synady. Islam dinin qabyldap, aty-jónin Nurıslam Sanaev dep ózgertti.
Býdapeshtegi dodada ol AQSh, Samoa, Ýkraına jáne Túrkııa balýandaryn utqanymen, fınalda Eýropa chempıonatynyń eki dúrkin júldegeri, reseılik Zaýr Ýgýevqa ese jiberdi. Osylaısha, Nurıslam Sanaevqa kúmis júlde buıyrdy.
Ǵalym SÚLEIMEN,
«Egemen Qazaqstan»
