Jas sýretshilerdiń «Energııa. Jastyq shaq. О́ner» atty baıqaý-kórmesi Qazaqstan, Qyrǵyzstan, Túrkııa, Ýkraınanyń ártúrli aımaqtarynan kelgen sheberlerdiń san alýan baǵyttar men tehnıkalyq tásilderde oryndaǵan alpystan astam týyndysyn qamtyǵan. Bıyl baıqaýǵa qatysýǵa ótinish bildirgen seksennen astam sýretshiniń tek elýi ǵana irikteýden ótken. Jyl boıy olar zamanaýı sýretshiniń armany ne, jas sýretshiler qazirgi zamanǵy áleýmettik máseleler jóninde ne oılaıdy, qoǵamǵa qandaı úndeý tastaıdy degen saýaldar shoǵyryna jaýap tabý úshin izdenedi.
– Baıqaýdyń maqsaty – kórkemdik deńgeıi joǵary, mazmuny jaǵynan mańyzdy ári ózekti týyndylardy jaryqqa shyǵarý. Sondaı-aq Qazaqstannyń zamanaýı ónerin jáne onyń álemdik kórkemdik keńistikke ıntegrasııalanýyna qoldaý kórsetý. Baıqaý men kórme beıneleý ónerine qyzyǵýshylyq tanytatyn aýdıtorııanyń nazarynan tys qalmaı, jańa esimderdi ashyp, jastardyń shyǵarmashylyǵyna dem berip, elimizdiń beıneleý óneriniń jas sheberleriniń kásibı kórkemdik deńgeıin kóteretini sózsiz, – deıdi Á.Qasteev atyndaǵy О́ner mýzeıiniń qoǵammen baılanys bóliminiń jetekshisi Klara Isabaeva.
Uıymdastyrýshylar shyǵarmalardy baǵalaýda sýretshiniń kórkemdik mánerine, ıdeıa ushqyrlyǵyna, shyǵarmanyń mazmunyna erekshe kóńil bólingenin aıtady. Baıqaý qorytyndysy boıynsha jas daryn Baýyrjan Jetpisbaev óziniń «Máńgilik El» shyǵarmasymen baıqaý jeńimpazy dep tanyldy. О́nersúıer qaýymnyń ystyq yqylasyna bólengen «Armandaǵy tramvaı» kartınasynyń avtory Raýan Súleımenov júldeli ekinshi oryndy enshilese, kóptegen baıqaýlardyń jeńimpazy talantty sýretshi Almas Nurǵojaev «Jańa áýen» dep atalatyn týyndysymen úshinshi orynǵa ıe boldy.
«Mundaı baıqaýlar óner adamy úshin asa qajet. Eńbegińniń baǵalanǵany shyǵarmashylyq tynysyńdy ashyp, shabytyńa shabyt qosady. Uıymdastyrýshylar alqasyna úlken rahmet. Men óz týyndymda eski men jańany, tarıh pen búgindi sabaqtastyrǵym keldi», deıdi baıqaý júldegeri Almas Nurǵojaev.
Beıneleý ónerindegi jańa zaman aıshyqtaryn bir arnada toǵystyrǵan aıtýly kórme qarasha aıynyń sońyna deıin jalǵasady.
Arman OKTIаBR,
«Egemen Qazaqstan»
ALMATY
