Halyqaralyq deńgeıdegi saıystar da ótkizildi. Atap aıtqanda, qazaqsha kúres, jelkendi qaıyq, akademııalyq esý, jaǵajaı voleıboly men fýtboly, qol kúresi, gır kóterý, arqan tartý, bórenege órmeleý, qoshqar kóterý syndy jarystar boıynsha qatysýshylar baq synady. Jeńimpazdar men júldegerlerdi oblys ákimi J.Túımebaev arnaıy syılyqtarmen marapattady. Sondaı-aq, qonaqtar Shardara aýdanynyń tarıhymen, aýyl sharýashylyǵy ónimderi jáne ulttyq qolóner kórmesimen tanysty.
Aýdan ónerpazdary arnaıy merekelik «Safari Shardara» ánin oryndady. Túrkistan-Otyrar-Shardara baǵytynda júrip ótken motobaıkerler sahna alańynda «MOTOKROSS» ónerin kórsetip, jıylǵan qaýymdy sheberlikterimen tamsandyrdy. Sý aıdynyndaǵy qaıyqtar shoýy da áserli boldy. Saıysqa qatysqan 15 balyqshy qaıyqpen jaǵalaýǵa kelip, elimizdiń Týyn jelbiretti. Baıdarka esýshiler óneri «Qazyna», «Shamsınýr» bı toptary jáne sırk ónerpazdarynyń horeografııalyq kompozısııasyna ulasty.
Ǵalymjan ELShIBAI,
«Egemen Qazaqstan»
Túrkistan oblysy
