Sharaǵa Mańǵystaý oblysy ákimi E.L.Toǵjanov, QR qoǵamdyq damý mınıstligi azamattyq qoǵam isteri komıteti tóraǵasynyń orynbasary B.H.Narymbetov, Qazaqstannyń Azamattyq Alıansynyń vıse-prezıdenti, «Ult taǵdyry» qoǵamdyq birlestiginiń tóraǵasy D.Q.Kóshim, aýdan jáne qala ákimderi, memlekettik organ basshylary, máslıhat depýtattary, ÚEU jetekshileri, kásipodaq, saıası partııalar jáne bıznes kompanııalardyń ókilderi qatysty.
Forýmnyń maqsaty – bılik, bıznes jáne úkimettik emes uıymdardyń arasynda aımaqtyń ózekti máseleleri boıynsha suhbat qurý jáne teń dárejedegi senimdi seriktestikke qol jetkizý tetikterin aıqyndaý.
Búgingi tańda óńirde 674 úkimettik emes uıym jumys jasaýda, onyń ishinde 53 ÚEU somasy 324 mln teńgeni quraıtyn 93 aýqymdy áleýmettik mańyzy bar jobalardy iske asyrýda.
-Azamattyq qoǵamnyń damý kórsetkishi onyń qoǵamnyń túrli áleýmettik toptarynyń qyzyǵýshylyǵyn qadaǵalaı otyryp, eldegi máselelerdi sheshý jolyndaǵy yntasymen yqylasyna tikeleı baılanysty ekendigi anyq. Sondyqtan Elbasymen bekitilgen bes áleýmettik bastamany júzege asyrý memlekettik organdarmen úkimettik emes uıymdardyń ózara árekettestigi arqasynda myqty azamattyq qoǵamdyq alyptastyrý negizinde ǵana múmkin bolady. Sondyqtan barlyq úkimettik emes uıymdardy birlesip jumys isteýge shaqyramyn, dedi óńir basshysy.
Forým aıasynda «Memleket, bıznes jáne ÚEU: suhbat jáne yntymaqtastyq», «Rýhanı Jańǵyrý» baǵdarlamasyna ÚEU tartý taqyrybyna suhbat alańy uıymdastyryldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
