Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń otyrysy ótti

Ulttyq komıssııa otyry­sy­nyń kún tártibi boıynsha negizgi másele – «Rýhanı jań­ǵyrý» baǵdarlamasyn iske asy­rýdyń jáne baǵdarlamany bas­qarý keńsesiniń qyzmetin uıym­dastyrýdyń nátıjeleri tal­qylandy. 

Ulttyq komıssııa tór­aǵa­sy otyrysty ashýdaǵy só­zin­de «Rýhanı jańǵyrý» baǵ­dar­la­masynyń Memle­ket bas­shysynyń «Qazaq­stan­dyqtar­dyń ál-aýqatynyń ósýi: tabys pen turmys sapasyn artty­rý» atty Joldaýynyń negiz­gi baǵyttaryn iske asyrý aıasyn­daǵy erekshe mańyzyn atap ótti. 

Sonymen qatar «Rýhanı jańǵyrý» baǵdarlamasynyń mazmunyn baıytyp, jańa baǵyttarmen tolyqtyrýdyń mańyzdylyǵyna toqtaldy. 

– Memleket basshysynyń tap­­syrmasyna sáıkes, taıaý ýa­­qytta jańadan «Aýyl – el besigi» jáne «О́z jerińdi tanyp bil» jo­balary iske qosylatyn bo­lady, olar aýyldyq eldi me­ken­derdi damytýǵa qosym­sha ser­pin bermek, – dedi Á.Iseke­shev.

Komıssııa otyrysynda, son­daı-aq Ońdasyn Orazalın, Aıda Balaeva, Dáýren Abaev, Arman Evnıev, Darhan Kaletaev, Arys­tanbek Muhamedıuly jáne Raýan Kenjehanuly sóz sóıledi. 

Ulttyq komıssııa otyrysyn­da beınebaılanys rejiminde Jambyl jáne Batys Qazaqstan oblystarynyń ákimderi tyń­daldy. 

Talqylaýlar qorytyndysy boıynsha Ulttyq komıssııanyń tóraǵasy Úkimetke 2018-2019 jyldarǵa arnalǵan «Rýhanı jańǵyrý» baǵdarlamasyn iske asyrý jónindegi biryńǵaı jos­par ázirleýdi, Aýyl sharýa­shylyǵy mınıstrligine «Aýyl – el besigi» jańa áleýmettik jobasyn iske qosýdy tapsyrdy. 

О́ńirler basshylaryna jer­gilikti jerlerde baǵdar­lamanyń tapsyrmalaryn bar­lyq basymdyq baǵyttary boıyn­sha naqty maqsattar men nátı­jelerge qol jetkizýge kóńil bóle otyryp iske asyrý jóninde tapsyrmalar berildi. 

Aıta keterligi, Ulttyq komıssııa Prezıdent Jarlyǵymen qoǵamdyq sanany jańǵyrtý baǵdarlamasyn iske asyrý, el­diń odan ári ilgerilemeli má­denı-gýmanıtarlyq damýyn qamtamasyz etý maqsatynda qurylǵan. Komıssııa quramyna tanymal qoǵam qaıratkerleri, ǵalymdar, jazýshylar, jýrnalıster, Parlament depýtattary, Prezıdent Ákimshiliginiń ókilderi, Úkimet músheleri, óńir­lerdiń, Astana, Almaty jáne Shymkent qalalarynyń ákim­deri, Qazaqstan halqy Assam­bleıasynyń músheleri, saıası partııalar ókilderi kirgen.