− Elektrondy densaýlyq tólqujatynyń kómegimen dárigerler pasıenttiń densaýlyq jaǵdaıy, sozylmaly aýrýlary, preparattardy qabyldaý allergııasy týraly tolyq aqparatqa qol jetkize alady. Kómek kórsetý jeri men medısınalyq uıymdarda paıdalanatyn aqparat júıesine qaramastan adam densaýlyǵy týraly barlyq túıindi málimetter bir bazada jınalady. Nátıjesinde pasıentke dárigerge barýdy aldyn ala josparlaý, elektrondyq joldamalar men taldaý nátıjeleriniń esebinen dárigerge barýdyń sanyn eki ese qysqartý, dárigerdiń pasıenttiń densaýlyǵy týraly aqparatty bir jerge jınaqtaý jáne dárigerler men ortasha medısına personalynyń eńbegin ońtaılandyrýǵa múmkindik beredi, - dedi ol.
Baspasóz – konferensııasynda oblystyq onkologııa ortalyǵy dırektorynyń orynbasary Jandos Ádilhan:
− Joldaýda kórsetilgendeı, oblysta onkologııalyq qyzmetti jetildirý maqsatynda júıeli jumystar atqarylyp jatyr. Qazirgi tańda Qyzylorda qalasynyń sol jaǵalaýynda salynýǵa josparlanǵan onkologııalyq profıldi kópsalaly 300 tósek oryndyq aýrýhananyń jobalyq smetalyq qujattamasyn ázirleýge 150,5 mln. teńge qarjy bólinip, jyl sońyna deıin jumys jobasyna memlekettik saraptama qorytyndysy alynatyn bolady. Oblysta onkologııalyq aýrýlardyń aldyn alý, olardy emdeýde kóptegen tyń tásilder engizilip otyr. 2016 jyly onkologııalyq ortalyqta pallıatıvtti kómek kórsetetin bólimshe, 2018 jyly dıagnostıkalyq palatalar ashyldy. Dıagnostıkalyq palatalar arqyly qysqa ýaqytta kúmándi onkologııalyq aýrýlardy anyqtaýǵa qol jetse, pallıatıvti kómek IV satydaǵy onkologııalyq syrqattardyń tolyq em alýyna jaǵdaı týǵyzdy.
Sonymen qatar, bıyl aımaq basshysynyń qoldaýymen oblystyq onkologııa ortalyǵy Ońtústik Koreıa eliniń jetekshi klınıkalarymen memorandýmǵa otyrdy. Jyl boıyna Ońtústik Koreıa eliniń professorlar men bilikti dárigerleri, oblysymyzǵa kelip, naýqastardy qarap, otalar jasasa, zerthanalyq turǵyda da tájirıbe bólisedi, - deıdi.
Baqtııar TAIJAN,
«Egemen Qazaqstan»
Qyzylorda oblysy
