Bul týraly oblys ákimi Qyrymbek Kósherbaev:
- Elbasynyń Bes áleýmettik bastamasyna sáıkes búginde Qyzylorda oblysynyń aýmaǵynda 1747 páterlik taǵy 69 kóppáterli turǵyn úıdiń qurylysy júrgizilýde. Keminde 55-in bıyl iske qosamyz, olardyń qatarynda Syrdarııanyń sol jaǵalaýyndaǵy 14 kóppáterli turǵyn úıden quralatyn tutas shaǵyn móltek aýdandy paıdalanýǵa berý josparlanyp otyr, - dedi.
Sóz yńǵaıynda aıta keteıik, 2013 jyldan bastap qolǵa alynǵan aımaqtaǵy apatty jaǵdaıdaǵy kezekte turǵan úı ıeleriniń máselesi 2017 jyly oń sheshimin tapty. Búgingi tańda oblys boıynsha apatty jaǵdaıdaǵy úılerdiń ornyna 645 otbasy úshin jańa jaıly baspana salyndy.
Sonymen qatar, sońǵy 3 jylda jeke turǵyn úı qurylysy sheńberinde 24 myńnan astam jer ýchaskesi ınjenerlik ınfraqurylymmen qamtamasyz etildi. Nátıjesinde, tek 2017 jyldyń ózinde turǵyndardy baspanamen qamtý 17%-ǵa jýyq, al, 2018 jyldyń 9 aıynda taǵy 4%-ǵa ósti.
Baqtııar TAIJAN,
«Egemen Qazaqstan»
Qyzylorda oblysy
