Qazir elimizde Eýropa Odaǵy men Ortalyq Azııa memleketteri joǵary oqý oryndarynyń bilim berý úrdisin sıfrly júıege kóshirý boıynsha tájirıbe almasý jumystary qyzý júrip jatyr. Forýmda Eýropalyq ýnıversıtetterdiń sandyq júıege kóshýi jáne ınternasıonalanýy, ǵylym salasyndaǵy jappaı baılanys júıeleriniń jańa reformalary, halyqaralyq yntymaqtastyqty damytýdyń jańa joldary talqyǵa salynýda. Jáne osy shara aıasynda halyqaralyq baılanysty nyǵaıtý, birlesken bilim baǵdarlamalaryn qurý, ǵylymı-zertteý jumystaryn júrgizý jáne ozyq tájirıbelerdi taratý boıynsha da pikir almasý ótpekshi.
Forýmnyń ekinshi kúninde Al forýmnyń ekinshi kúni «Rýhanı jańǵyrý – Qazaqstannyń serpindi damýynyń negizi» atty taqyryppen jalǵasyp, ǵylymı-tájirıbelik konferensııaǵa ulasady. Munda rektorlar «Rýhanı jańǵyrý» konteksinde rýhanı qundylyqtardy modernızasııalaý», «О́ńirde «Rýhanı jańǵyrý» baǵdarlamasyn júzege asyrý jaǵdaıy» jáne taǵy basqa da taqyryptar boıynsha baıandamalar oqymaqshy.
Forýmǵa Estonııa, Latvııa, Polsha, Vengrııa, Reseı Federasııasy, О́zbekstan jáne Qyrǵyzstan joǵary oqý oryndarynan jıyrmaǵa jýyq rektorlar men prorektorlary, sondaı-aq otandyq ýnıversıtetter basshylary men ǵalymdar qatysýda.
Qalmahanbet MUQAMETQALI,
«Egemen Qazaqstan»
Almaty oblysy
