Ujymdyq qaýipsizdik týraly shart uıymyna qazirgi ýaqytta Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyz Respýblıkasy, Reseı Federasııasy jáne Tájikstan Respýblıkasy múshe. Sondyqtan da keńeske Qazaqstan Prezıdentinen ózge atalǵan memleketterdiń basshylary – Reseı Prezıdenti Vladımır Pýtın, Belarýs Prezıdenti Aleksandr Lýkashenko, Qyrǵyz Prezıdenti Sooronbaı Jeenbekov, Tájistan Prezıdenti Emomalı Rahmon jáne Armenııa Premer-Mınıstriniń mindetin atqarýshy Nıkol Pashınıan qatysýda.
Jıyn aldynda Qazaqstan Prezıdenti UQShU múshe memleketterdiń basshylaryn resmı shart boıynsha jeke-jeke kútip alyp, estelik sýretke tústi. Munan soń prezıdentter toptasyp sýretke túsý rásimine qatysty.
Prezıdentterdiń shaǵyn quramda kezdesýin ashqan Qazaqstan Prezıdenti Nursultan Nazarbaev áriptesterin UQShU kezekti sammıtine qatysý úshin Astanaǵa kelgenii úshin alǵysyn aıtty.
– Biz qazirgi qalyptasqan halyqaralyq jaǵdaıǵa baılanysty oılarymyzdy ortaǵa salyp, qarym-qatynasymyzdaǵy ózekti máselelerdi talqylaımyz, – dedi Qazaqstan Prezıdenti.
Atalǵan otyrys elimiz úshin Qazaqstannyń 2018 jyly Ujymdyq qaýipsizdik sharty uıymyna tóraǵalyq etýi sheńberinde negizgi jáne qorytyndy is-shara bolǵandyǵymen mańyzdy. О́ıtkeni, otyrys barysynda Ujymdyq qaýipsizdik sharty uıymyna múshe memleketter basshylary Qazaqstannyń tóraǵalyq etý kezeńinde elimiz usynǵan Uıymnyń basymdy baǵyttaryn iske asyrýdyń negizgi nátıjelerin qorytyndylaıdy.
Sonymen qatar UQShU tóraǵalyǵy 2018-2019 jyldary Qyrǵyz Respýblıkasyna ótetindikten, el prezıdenti Sooronbaı Jeenbekov sessııa barysynda Qyrǵyzstannyń tóraǵalyq kezeńindegi basymdyqtardy ataıdy.
Sonymen qatar kún tártibindegi máselerge baılanysty qujattarǵa qol qoıylyp, BAQ úshin málimdeme jasalmaq.
Serik ÁBDIBEK,
«Egemen Qazaqstan»
