«2001 jyly Qazaqstanǵa kelgen soń Jańaózende jattyǵyp júrdim. Jeńis Jarylǵapov boksqa degen talabymdy odan ári ushtaı tústi. Arada jarty jyl ótkende Marat Jaqıevtiń qol astyna aparyp tabystady. 2012 jyly Olımpıada júldegeri atanǵanymda J.Jarylǵapovqa Qazaqstanǵa Eńbek sińirgen jattyqtyrýshysy ataǵy berildi», dedi Á.Nııazymbetov.
Sportshynyń aıtýynsha, bala kúninde ol jasóspirimder men jastar arasynda aıtarlyqtar nátıje kórsete almaǵan.
«Únemi barǵan jarysymda utylatynmyn. Ákem kúnde tańǵy bes jarymda júgirýge oıatady. Úıdiń toǵyzynshy qabatyna baspaldaqpen birneshe ret júgirip shyǵamyn. Ákemniń maǵan aıtqan bir aıtqan sózi: «Bokstyń sońyna deıin barýyń kerek», degen sóz boldy. Men úshin 2001 jyly ákem Aqtaýdaǵy 23 mektepte 12 myń teńge aılyqqa jumys istedi», dedi ol.
Turmystyń qıyndyǵyna qaramastan, Ádilbek sport jattyǵýynan qol úzbegen.
«Bokstyń nanyn jeý úshin biz otbasymyzben keler kúnnen úmit úzbedik. 20 jasyma deıin dalaǵa shyqpadym. Tártipke qatal qaraıtyn ákem tipti sabaqqa da barmaı-aq qoı dep ruqsat berdi. Aqtaý men Aqshuqyr aýlynyń arasynda birneshe shaqyrymdy toqtamastan júgiremin. Dalada soqqy jumsap daıyndalamyn. Arasynda aǵammen fýtbol oınaımyn. Jattyǵý kezinde qasymda ákem, sheshem, aǵam, tipti qaryndasym erip júrdi. Barlyǵy meniń tileýimdi tilep, boksshy bolyp qalyptasýyma kóp eńbek sińirdi», dedi Á.Nııazymbetov.
