Bul sharaǵa ortalyqtyń bas dırektory Muhıtdın Tólepbaı, «Nur Otan» partııasy Qapshaǵaı qalalyq fılıalynyń tóraǵasy Erjan Nurpeıisov jəne Qapshaǵaı qalasyndaǵy Aýǵan soǵysynyń ardagerleri qatysty.
«Biz barlyǵymyz patrıotpyz! Patrıot bolý degenimiz – óz Otanyńdy shyn júregińmen súıý, ózińe jáne óz halqyńa senip, qoǵamǵa qyzmet etý», dep sóz bastaǵan keshegi jaýynger, búgingi halyq qalaýlysy óziniń balalyq shaǵy men áskerı ómiri týraly áńgimeledi. Aýǵan dalasynda kórgen qııan-keski tirlikten aıtqan estelikteri balalarǵa beıbit kúnniń berekesin uqtyrǵandaı boldy.
«Sender baqyttysyńdar, – dedi Halyq Qaharmany, – beıbit elde ómir súrip jatyrsyńdar, bolashaqqa degen senimderiń zor. Aldaryńda órkenıetti ómirdiń esigi ashyq. О́z tarıhyn, óz tilin bilmeıtinder patrıot bola almaıdy. Máńgilik eldiń máńgilik tilin saqtańdar. Eń bastysy – Otandy súıý, tarıhty qurmetteý kerek. Senderge aıtar ósıetim osy!».
Táýelsiz eldiń búgingi jasy patrıot bolýy kerektigin aıtyp, 2016 jyldan beri jumys istep kele jatqan «Qazaqstandyq jas patrıottar akademııasynyń» tynysymen tanysyp, dán rıza boldy. Belsendi oqýshylarǵa «Qazaqstannyń jas patrıottary» tósbelgisin tapsyrdy. Kezdesý barysynda bıylǵy Elbasynyń Joldaýynda kóterilgen máseleler de aıtylyp, ustaz mártebesin kóterý, oqýshylardyń muǵalimderin qurmetteýi, qadir tutýy, qoǵamda oń kózqaras qalyptastyrý da áńgime arqaýyna aınaldy. 2019 jylǵy Jastar jyly boıynsha da taǵylymdy talqylaý jasaldy. Sebebi ortalyqta eńbek etetin qyzmetkerlerdiń deni – jastar. «Jastar qashanda memleket saıasatynyń basynda turady, qandaı da bir jańa bastama bolsa, jastar ony qoldap júzege asyrady. Sondyqtan jastardyń boıynda azamattyq pen qazaqstandyq patrıotızmdi qalyptastyrýǵa, álemdik jáne otandyq mádenıet jetistikterin oqyp úırenýge, ınnovasııalardy meńgerýge qabiletteri jetedi», degen qaharman qazaqqa oqýshylar ózderiniń kókeılerindegi suraqtaryn qoıdy. Suraqqa jaýap berý sátinde ol balalardy kitap oqýǵa, ony oqyp qana qoımaı, óz ómirine qajetti serik etýge, sporttyń túrli salalarymen aınalysýǵa, ónerdi, qazaqı bolmysymyzǵa tán muralardy tanyp bilýge, otandyq jáne álemdik ádebıet muralaryn baǵalaýǵa shaqyrdy.
Kezdesý sońy Halyq Batyry Baýyrjan Momyshulynyń «Jastarymyz otanshyl bolsyn ... Al otanshyldyq óz úıińnen bastalady. Kimde-kim ata-anasyn ardaqtasa, sol ata-anadan birge týǵan baýyrlarmen tatý bolsa, óziniń ósken aýyl, qalasyn, týǵan ultyn syılap, qadirlese sol adam patrıot, otanshyl bolady» degen túıindi sózimen qorytyndylandy.
Budan keıin «Baldáýren» respýblıkalyq oqý-saýyqtyrý ortalyǵynyń basshysy M.Tólepbaı Baqytjan Ertaevqa alǵys hat tapsyrdy.
Gúlnar QULJANOVA,
«Baldáýren-Qapshaǵaı» ROSO ádistemelik bóliminiń meńgerýshisi
Almaty oblysy
