Kezdesý barysynda korporasııamen yntymaqtastyqty odan ári jalǵastyrý jáne atom energııasyn beıbit maqsatta paıdalaný, ýran óndirý jáne baıytý, jel energetıkasy, atom salasynyń tehnıkalyq bazasyn jańartý jáne túrli ınnovasııalyq ónimderdi óndirý salasyndaǵy birlesken jobalardy iske asyrý máseleleri talqylandy.
«Qazatomónerkásip» UAK men «RosAtom» MK arasynda atom energııasyn beıbit maqsatta paıdalaný salasyndaǵy Reseı–Qazaqstan yntymaqtastyǵynyń keshendi baǵdarlamasy aıasynda ózara is-qımyl júzege asyrylyp jatyr. Budan ózge, «RosAtommen» yntymaqtastyq «Úlbi metallýrgııa zaýyty» AQ jumysy jáne Qazaqstan aýmaǵynda atom elektr stansasynyń nysandary boıynsha birlesken sharalardy atqarý aıasynda iske asyrylýda.
«RosAtom» memlekettik korporasııasy 2007 jylǵy jeltoqsanda qurylǵan, Reseı Federasııasynyń jetekshi kópbeıindi ónerkásiptik holdıngileriniń qataryna kiredi. «RosAtom» strategııasy jel energetıkasyn qosa alǵanda, taza energııa shyǵarý jobalaryn damytýdy kózdeıdi.
